OSEA 10:12 - PIPÏLIA

¹² Akatkata köromnyö ompö tösunötengwo atonyorunö akwa chomnyogh nyo mewonyotnye. Angora parenichay kiruyö ompöwölo ketomtö ato kïyöröy ECHOTYON ye tökungwïn kïropönï kisoyönut.

OSEA 10:12 ပူးပေါင်းရင်းမြစ်များ

TUMWÖY 105:4

Opechinö wölo mi ECHOTYON tosïkö kingarakat, asagh nyinte kïtenö osis.

TUMWÖY 72:6

Nya kïkarkegh nyinte nko rop nyo ropönchini paren le pkopïs ompö ngwïny.

NGÖTÏNYÖ 11:18

Nyoru mwokïyon ropïyeni lïs, wölo nyoru chi nyo kötkötöy man ropöwon nyo mötïnye.

NGÖTÏNYÖ 18:21

Tïngeto ngalyap owesyo meghat nko söpon, pich cho chömöy kipöghisyegho kinyoru cho mïchini.

OMTOGHIN 11:6

Iletonyi kösïgheku ato le tökwoghö nko otini kemön tïkwïl, ompöwölo menkïtönyinye lö ekï chono cho pitöy nyo karam, chï anta chinö anta pitöy choni kwodeny nyo karam.

ISAYA 30:23

Yokwokwa ECHOTYON asisoni rop kïnomnyö otini kaletekwa kösïghekwo, atökïpityö akïkonokwa ilö nyo wow nko sus cho omöy kyakikwa cho pitöy kïnapasa ompö paren cho pöroyöch,

ISAYA 31:1

Heywey! Wechï kepotyö pich cho petöy koro Misri lö tökengarakech. Mito chane kutwoytoy kegh pipö Misri cho chang cho pö lïk nko karikwa cho pö poryot, cho lata: angoletin nko nkaritin nko askarin. Wölo metwoytocha kegh ECHOTYON, Tororöt pö Israel nyo Tïlil anta tep nyinte kungarak chane.

ISAYA 32:20

Ngörekyö nyo wow ompö akwa ato nyorï chi anka tïkwïl pögh cho chang cho cholchini nko cho pito suswö atökuyakwï twachi nko sïkïröyichi wop anka tïkwïl.

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

ISAYA 45:8

Nyi we yïm, ropönunö! Nya kïkonï poltoy ropa ighata man, nya kïyata ngwïnya atökïpita atoni sörunötö, akany kïpita tïkwïl ighata man. Ani ECHOTYON nyo oghöy choni.”

ISAYA 48:18

“Ntö kile nyo kyarïpakwa kiyomisutköchan! Kitö kïmïlwokwa kisoyönut cho lata lalwa nyo mötengönye! Kyomïlunyi mantangu le mirtino pögho nanam,

ISAYA 5:6

Mopïtinanye rötökwö, amopïtinanye ketiko sapipun anta angor pare, wölo opïsyan kïpituna tïkawkaw nko kato. Otöghonan poltoy möropönchï paranoni!”

ISAYA 54:14

Ighinyi man chïchïma, ilowitunonyi nyarïl nko otyogh.

ISAYA 55:6

Ayara ECHOTYON otini tökenyoru, okurö nyinte otini tökïlekït.

YEREMIA 50:4

Lentöy ECHOTYON, “Itïtoy ato tuyo kegh pipö Israel nko cho pö Yuda, akïpkonchanïn. Pkonöy kïlokyonu otini mi kïyöranïn, ani nyo ochï Tororötïngwa.

ESEKEL 34:26

Osoyönan chane nko koros cho kewit kutïngtönyan nyo tïlil. Oyokyinan chane rop otini kösyökï, kïlïkwï pkopïs pö kisoyonöt.

OSEA 12:6

Kïlenyona imïlonenyi ompö owesyo Tororötïnkwa. Akaman chomnyogh nko man, akön Tororötïngwo kïtenö osis.

OSEA 14:1

Omïlisyenö we Israel, omïlechinö ECHOTYON Tororötïngwo ompöwölo kichïntenyi ompö ngokiku.

OSEA 6:3

Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

OSEA 8:7

Ompöwölo kikatkat yomat akwil pïchpïch melö yinöy paghekwa Amelö rïröy paghekwa ompö par wölo kïrkegh kïrïr kwomo chane pich walaka cho le to

AMOS 5:15

Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

AMOS 5:4

Lenchini ECHOTYON pipö Israel opkonchanïn tosöpchenö.

AMOS 5:6

Ayara ECHOTYON tosöpchenö, tömengwïn le ma kuwany pipö Yosep. Pelöy ma pipö Petel lömïs akïpuryö chi nyo nuköy.

AMOS 5:8

Ayara ECHOTYON nyinte nyo kigh kokel, kigh Kaghis nko Kakoretaran akïwöghököy tuwïn nyo tuw löyuk kïlöpoyit lönga akïwaghach pöghet kïlïkwï oghö nyinte nyo kuru pögho nanam akïropönchï ngwïny kïmïkul.

LUKA 13:24

“Okil kegh lasiny atamuka olïtö kukat nyo marich, ompöwölo omwowokwa lö, chang pich cho möröy lö, tökïlït pöyunöto Tororöt, wölo memuköcha.

IGHISYEWUT 2:18

Ay, otöninan Mïkulöwunyu osiswechoni. Mötworichan cho le mïrön nko kor atökïngörsyö.

2 KORINTO 9:10

Konokwa nyu lenyoni tïkwïl Tororöt kösïgh cho omökekwa, Tororöt nyo töni ngorinto par kösïgh nko makatin cho pö omisyö akwigh choni löwïr kïpit akïkonï ilö nyo wow nyo opöghokwa pich.

YAKOPO 3:18

Keyityï pich man kï akwa kalya cho kikatkat ompö kalya pich cho chomöy kalya.