OSEA 10:1 - PIPÏLIA

¹ Kilenye Israel sapipu nyo pïchigh nyoman nyo yinöy akwechi kuten. Le otini kiyï sapipun kïlïkwï, kïtösöy tagh kïtekyini kegh wölay kïpelo amörostin. Le wölini kitas tagh korengwa kïlïkwï, kïminöy chane tïkwïl wölo sogho.

OSEA 10:1 ပူးပေါင်းရင်းမြစ်များ

1 PÖYTOGHÏ 14:23

Kïtek chane wölo kïsogho tororötino putintön akïtek pchörino koghïn cho le körkeyïntino Asyera atökïsagha wölo le komos nko wölo mi rurwonoy pö ket.

YEREMIA 11:13

Wechï chang tororötineku we Yuda! Teno kanastineku, akikïtekyï pipö Yerusalem wölo kïpelchini amörostin körkeyïnay töghanïn kisön kïkuro Paal* ompö or anka tïkwïl.

YEREMIA 11:17

“Kyapintitan ante ECHOTYON Kimuktoghin Israel nko Yuda, wölo ye owonyan chane lökïr akwompö ngokichï kegh. Keghanïn anarek nyoman otï kanget kïpelchï amörostin Paal.”

YEREMIA 2:28

“Ayo, mi onö tororötineku chay keghchinyi kegh? Ne mapka kungarakinyi ato muköy otini kechumchinyi nyarïl nya? Olentan chang tororötineku nya, we Yuda, tenö kanastineku!

OSEA 12:11

Ato mi ngokï Kiliad kuwonyot lömïs. Kïkany kïpela amörostino eghin Kilkal, kïliku wölo kïpelo amörostin koghïn cho kirïkïsus ompö sörömu par.

OSEA 12:8

Kwolöy kegh, Epraim kïlentöy, “Nyo le ne, akyochan sïkön, kyoyörchan kegh mökosyenyu. Mi onö ghöyïn nyorchinan chi kïgh nyo le ngokï ompö sïkönöt nyo tenö nyï.”

OSEA 13:15

Wölo ngwïnöy yomo ECHOTYON nyo ngwïno surkwen nyo ighöy koriko pöghechi kïtenyö, akuwany pögho kompa pöghechi, nko kaplawachtanyi lödo.

OSEA 13:2

Akïnget ye kwigh ngokï tya chane, akwighchï kegh körkeyïntin, körkeyïntin cho kikitanga silpa ompö tïnganata tïngan. Atolapay kïlenchï pich, “Oropchinö chane ropöw!” Wechï kachïchïn pich körkeyïntin cho lata kir!

OSEA 13:6

Wölo nyini kyomisyö kïpïghyö, kutor kïmen akïwutyeghanïn.

OSEA 2:10

Ochïran nyinte kïchïrutit ompö tawu chamankachi akï möminye chi nyo söruno nyinte ewunyan.

OSEA 2:8

Ompöwölo melö kinkïtï nyinte lö ani nyo kyotö nyinte pagh nko dipay nko mwowöy, anyïghïtyi ropïyen nko koltin cho kipöghisyeghö kïsagha Paal.*

OSEA 3:4

Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.

OSEA 4:7

“Kïle wölini changta tïsï, kïtösöy nyoni tagh kwighwanïn ngokï, owöghökan ye nyu ororyengwa kïlïkwï arasï.

OSEA 8:11

“Ompöwölo kigh Epraim ato kïpelo amöros cho möngörï, akïlïkwï nyu wöloni kïpelo amöros wölo igho ngokï.

OSEA 8:4

“Kikïlchï kegh pöytoghï, amatepenanïn, kutökegha kintöghoghï cho melö kyonkïtön. Kwighchï kegh tororötino silpa nko koltin. Choni nyu cho ighöy chane kuwonyö lömïs.

LAWIN 26:1

Kïlö ECHOTYON, “Moghchï kegh körkeyïntin anta körkeyïn nyo kipötöy anta pchörin anta nyo pö kagh ompö korengwo lö tökekïtïngchinö. Ochan ECHOTYON Tororötïnkwa.

NAUM 2:2

(Karik kuyokyï ECHOTYON ororyö nko owesyö pikachi, pipö Israel nyo kitïng tagh kïtomö kïsara pungkökwa tïkwïn löwïr.)

2 KORINTO 5:16

Melö tökepimecha ye nyu chi anka tïkwïl ompö ara par, kïrkegh kimi ato kikipimacha Kristo ompö ara por, wölo melö tökeghecha ye nyu ngat lenyoni.

PILIPI 2:21

Sïngo pat pikö walaka ngalekwa kegh nyinö kötö sïngo ngala Yeso Kristo.