OSEA 1:10 - PIPÏLIA

¹⁰ Wölo chongitu nyu pipö Israel le ngayam ompö sörömu nanam, cho mökimukönye kepim anta kiyit. Wölay kilenchï Tororöt chane, “Mochikwanye piköchan,” wölo itïtoy ato lenchini, “Ochikwa monïngo Tororöt nyo satate!”

OSEA 1:10 ပူးပေါင်းရင်းမြစ်များ

TOWUNÖT 13:16

Oghan moneku kïchongitu le terïtyonto ngwïny, kïle wölini memukönye chi ntökuyit terïtyonto ngwïny, kïmemukönye chi tïkwïl ntökuyit moneku!

TOWUNÖT 22:17

osoyöninyi aperurinyi. Otösan yiyengu kïchangit le kokelya yïm, le ngayam cho mi nanam. Pöytoy yiyengu kanastina punkökwa.

TOWUNÖT 32:12

Akï nyi nyay kimwagh lö, ‘Oghunyi nyo karam nyo mötïny achongitan moneku kïlïk cho makïrar, cho memukönye chi ntökuyit ompö chongïn?’ ”

2 SAMWEL 7:24

Keghanyi Israel kïlïkwï piköku kokay ailïkunyi ECHOTYON Tororötïngwa.

ISAYA 43:6

Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

ISAYA 48:19

akitö chongitu monekwa le ngayam, akitö oripan chane tömökiwany ompö tawunyan.”

ISAYA 63:16

Ompöwölo ichinyi paponcha, kïrkegh kïmenkïtechanye kukötinecho ompö Apraam nko Yakopo, wölo nyi, we ECHOTYON nyo ichï paponcha. Nyi nyaye isörwecha kïnomnyö.

ISAYA 64:8

Wölo ichinyi paponcha, we ECHOTYON. Kïlatecha mönö ilatenyi ighinto tören. Kighechanyi,

ISAYA 65:1

Lentöy ECHOTYON, “Kyomitan kïpsach oterchï piköchan sowutkökwa, wölo melö kisagh chane. Kyomitan kïpsach oporchï kegh chane, wölo kïtagh chane kïyaranïn. Melö kisaghanïn chane, kïrkegh kyomitan kïpsach osis, olenchini, ‘Anyï ani!’

ISAYA 66:20

Yoku chane pikökwa cho kitoyechï koroswechoni atökïpkana puntonichoni akïkonanïn kïlïkwï ropöw. Mïtu chane kïpkonöy kutïngtönyan nyo tïlil nyo mi Yerusalem, pkono chane angoletin nko sïkïröy nko tamasay nko nkaritin cho kichutöy kïkongityö nko ato ipu pipö Israel ropöwo pagh Konyan ompö tïkwïn cho tïlilöch.

YEREMIA 33:22

Otösan pipö ara pöytoghin Daudi nko tïsï cho pö ara Lawi kïchangit nyoman nyo memukönye chi kuyit le kokel cho mi yïm anta ngayam cho mi sörömu nanam.”

DANIEL 6:26

Kamwaghan ompö pöyunötenyan kïmïkul lö mïchini kuwagh akïkonyït chi anka tïkwïl Tororöt pö Daniel. Ompöwölo Tororöt nyinte nyo satat akïtöpo nyinte kokay. Melö kinyoröy pöyunötenyi nyonikïny amelö wonyot owesyenyi kokay.

OSEA 1:9

Kïlenchï ECHOTYON Osea, “Kurenö kaynenyi, ‘Mönyinyanye,’ ompöwölo melö tökïpiköchan pipö Israel amelö tochan Tororötïngwa.”

OSEA 2:23

Oghan pikachu kïmang korononi, akïtösisyö. Osyonchinan chane cho “Melö kisyonchini,” aghan chichan cho kikiyitöy lö, “Melö piköchan.” Yoku nyu chane kïlentöy, “Ichinyi Tororötïncha.”

YOANA 1:12

Wölo pich löwïr cho kïtak akughan nyinte, kwigh chane kïlïkwï monïngo Tororöt.

RUMI 8:19

Ompöwölo köngöy kïgh anka tïkwïl nyo kikigh ompö emö nyo wow asis nyo ngongu Tororöt monechi.

2 KORINTO 6:18

Olïkunan Paponkwa alïkukwa werköchan mwoghöy Echotyon Kimuktoghin.”

EPRANIA 11:12

Kiyï Apraam pich cho chang le kokel ompö yïm akïtenö ngayam cho mi nanam, kïrkegh kikiyosit nyinte nyo melö kitötökïyiyöy monïng.