9 Wölo ompö choni löwïr, nyoru korö tösunöt ompö or anka tïkwïl ompö pöytoghin nyo ghyongchini paren cho kïngoröy.
Pö ECHOTYON yïmwöy, wölo kitö ngwïny ptangengmöt.
Rïröy para meywon nyoman nyo kangor, wölo ato möminye man, keserseröy tïku.
Nyoru omisyö nyo wow chi nyo ngoröy parenyi, wölo nyoru meywontön nyo wow chi nyo le tankasan.
Mi chi nyo mi onkït, nyo mötïngnye werïnyi anta werïngwa akïmi nyinte kïsïngöy kïnomnyö amelö mïchini nyinte sïkönöt nyo tïng. Pöyitu ngo nyu tïkuchoni sïngo nyinte lenyoni akïmul kegh ngarakat? Kwïle nyoni tïkwïl, akwotöp nyo pö kiwongunöt nyo wow.
Ato chama kegh chi ropïyen, kïmelö pïghyongi, möminye chi nyo pïghyongi ropïyen, kïkany ato mach chi kïlïkwï sïkön, kïmönyorunye tïkwïn löwïr cho mököy. Kwïle choni tïkwïl.
Metöngönchï ato isïwa soch kïpïröy mey, mösötyininye ngalekwa ompö man akïsara mantangwa. Körtoy pipö soch cho echön pikökwa, akïkörtoy ngat pïchoni echön pikö walaka cho echön kïtïl chane.
Sïngo chi ighisyewutkachi lö tonyorï kïgh nyo omöy, wölo melö pïghyongi nyinte.