OMTOGHIN 2:3 - PIPÏLIA

³ Ayaran or nyo ngöröko portanyu ompö dipay,* akïtökïmi mïkulöwunyan kuntöghoghwanïn ompö ngöghomnyö nko wölo kïnömtoy sölwontön, ntökïtenö asïwan lö kigh ne nyo mïchini ptangengmötin atökwigh ompö ngwïnyi mïröt ompö osiswekwa cho ngörï cho pö ngwïnyinï.

OMTOGHIN 2:3 ပူးပေါင်းရင်းမြစ်များ

TOWUNÖT 47:9

Kuyokyï Yakopo Parao lö, “Könyiswechan kï 130. Ngorï akï ghach könyiswö cho kawangan akï tomönye kwit könyiswechan cho kit könyiswo papotïnechan ompö rutoghtöngwa.”

AYUPU 14:14

Ato ma chi kïtökïsöpöy ngat? Oköngisïyan ompö osiswechan löwïr cho pö woyöt ntökïtenö kwïtï kityakatenyan.

TUMWÖY 104:15

nko dipay* cho töni nyinte ngörekyö nko mwagh nyo yilo kegh nko omisyö nyo sïko owesyö.

NGÖTÏNYÖ 20:1

Ipu dipay* kingörerat, kwipu kumïn syala, akwanka tïkwïl nyo köperöy kumïn kïmelö ngöghom.

OMTOGHIN 1:17

Amachan asyach ngöghomnyö, ankïtï chepoynön nko sölwontön, osïkwan lö lenye nyoni tïkwïl ato kïyonöy yomat.

OMTOGHIN 10:19

Omisyö kïpö ngörekyö, kwighöy dipay* chi kïturön, amelö kïnyoru choni ato puryö ropïyen.

OMTOGHIN 12:13

Ompö ngalechoni löwïr kelïmanyi, mi kïgh akonga nyo köngötï: Awagha Tororöt, anam kirurutkachi, ompöwölo nyoni nyo le kerötenyi kwighöy ptangengmöt.

OMTOGHIN 2:24

Möminye kïgh nyo karam ompö ptangengmöt kïtïl ato am, akïgha, akïngörökyï kighotichi. Wölo kïrkegh kïlenyoni kyosïkwan lö ngwïno Tororöt nyoni tïkwïl.

OMTOGHIN 5:18

Kyonkïtwan nyu lö kïgh nyo pïchigh akïmïchinote kegh, kï kwomisyö chi akïgheghsyö akïngörökyï tïkwïn cho kisïnga nyinte ompö osiswechi cho ngörï cho ketö Tororöt nyinte, ompöwölo karerantanyi nyoni.

OMTOGHIN 6:12

Ompöwölo ngo nyo nkït lö ne kïgh nyo karam ompö chi otini tökïsöpöy söpon nyo weröy le kwïle ompö osiswechi chete ngörï? Akï ngo nyo muköy kïmwochini kïgh nyo igho otini köweghö nyinte ngwïnyi asis?

OMTOGHIN 7:18

Mïchini namanyi nyinö pö tagh, amepïstö nyinö pö odeny, ompöwölo choni cho teköy chi nyo wöghöy Tororöt.

OMTOGHIN 7:25

Oyokyan kegh asyach atonkïtï ngöghomnyö nko kïgh nyo poru tïkwïn cho ighisyot, ghöyityö kï sölwontön akï chepoynön.

OMTOGHIN 8:15

Atolapay asalan ngörekyö, ompöwölo mötïngnye chi kïgh ompö ngwïnyinï kïpoto kwomisyö akïgheghsyö akïngarak. Nyoni kitö nyo muköy nyinte kwighöy otini sïngöy ompö osisweko söpontanyi cho töni Tororöt ompö ngwïnyinï.

MATAYO 6:24

“Möminye chi nyo pöghisyechini echot odeny, ompöwölo töghöy anka kïcham anka, anta terchï nko anka kïsas anka. Momukekwanye topöghisyechï Tororöt nko mökosyö.

EPESO 5:18

Motömesyeghö kumïn, ompöwölo wonyokwa, wölo akanya kenyïghitak Mïkulögh nyo Tïlil.

KIRWOKÏ 9:13

“Wölo kuyokyï sapipïyontonay lö, ‘Melö opïstonan dipaykachu* cho ighöy tororötin nko pich kïngörekyot awan apayta paraku ket?’

1 SAMWEL 25:36

Kïwö Apikail kaw, kïnyorï Napal mi ichon kwen nyo lata nyo pö pöytoghin. Kökingarak Napal nyoman ompö mïkulöwunyi akitamasate tya. Kïlenyona mömwochïnye nyu nyinte ngalechay ntökïyech.