NGÖTÏNYÖ 9:8 - PIPÏLIA

⁸ Mepïr kichïmpisin tömereyïn, pïrö chi nyo ngöghom atökïchamïn.

NGÖTÏNYÖ 9:8 ပူးပေါင်းရင်းမြစ်များ

1 PÖYTOGHÏ 1:23

Kemwochï pöytoghintonay lö mi werkoyon Natan sany, kekurï nyinte kïlïtï kö, nyini kilïtï kungïrukeghö tawu pöytoghin ompö konyït.

1 PÖYTOGHÏ 1:32

Atolapay kïyonta pöytoghintö Daudi chi kekurï tïsin Sadok nko werkoyon Natan nko Penaya wero Yeoyada. Nyini kitï chane,

1 PÖYTOGHÏ 22:8

Kuyokyï Aap lö, “Mito akong nyo kïkuro Mikaya wero Imla, wölo lilanïn kïgh nyinte nyoman, ompöwölo möminye kïgh nyonikïny nyo karam nyo ngoröy nyinte ompö ani, ngorchinanïn nyinte ngal cho ghach.” Kuyokyï Yeosyapat lö, “Ewo, pöytoghin memwoghöy lenyona.”

TUMWÖY 141:5

Nya kïchilanïn chi pö man, akungarakanïn chi nyo ghanate, kïtïl kuyil mötïnyan mwokïyis cho osoghchinan kïtenö osis lö töpïstö ngokikwa.

NGÖTÏNYÖ 1:5

Kï lïm chi nyo ngöghom atökïtas chïreryenyi, akutö chi nyo pköchini ngala kïnyorï kinetut.

NGÖTÏNYÖ 10:8

Rïpöy kiruröt chi nyo ngöghom ompö mïkulögh, wölo wïröy sölwö nyo ngölonöy kïtïkon.

NGÖTÏNYÖ 13:1

Köpchini yit worö nyo ngöghom kinetutko kwanta, wölo mölïmönye mïnin karata kong.

NGÖTÏNYÖ 13:18

Nyoru chi meywontön nko arasï nyo töghöy kepïr, wölo kïkonyïtöy chi nyo köpchini yit karata.

NGÖTÏNYÖ 15:12

Möchömönye sösin kepïröy, ametönye wölo mi pich cho ngöghomöch.

NGÖTÏNYÖ 19:25

Mungö pkatyan atökïchïkan sölwö, pïrö chi nyo tïng pköchin atökïtasa chïreryenyi.

NGÖTÏNYÖ 23:23

Ala man amealta nyonikïny, ala ngöghomnyö nko kinetut nko pköchin.

NGÖTÏNYÖ 23:9

Mengalan kïlïmöy sölwö ompöwölo sösöy nyinte ngöghomnyeto ngaleku. Ngöghomnyö nyo pö taman

NGÖTÏNYÖ 28:23

Nyoru asïyech chömchin nyo wow, chi nyo gheghchini chitö anka, kïtïl nyinte nyo lïsisïyi.

NGÖTÏNYÖ 29:1

Nyinte nyo wow möt akikechil kïnyïl cho chang, kemïreghöy lawel amelö tökïsöröro.

ISAYA 36:21

Kisisyö pïchay kïrïp kegh nko ngölyonto pöytoghin Esekia nyo kökimwochï chane. Melö kimölyongwï ngölyon nyo le ompö akonga.

LAWIN 19:17

“Merey werïngwo ompö mïkulöwungu, wölo asata ngalekwo nko nyinte atömamïn ngokï.

MATAYO 15:14

Opïstenökwa! Köryote chane akï kintöghoghi chepkarotin, kïkany kuntöghoghchï chepkarot chi nyo karote, kupïtyini pïrïm chane kwodeny.”

MATAYO 7:6

“Motö kukïdin kïgh nyo tïlil, ompöwölo ngetöy kïsïrokwa. Amowirchï sanayikwo cho pïchighöch tawu nkïruwen atömekurkurö ngwïny.