NGÖTÏNYÖ 8:18 - PIPÏLIA

¹⁸ Mi sïkönöt ani nko konyït sïkönöt nko kiletat nyo mewonyotnye.

NGÖTÏNYÖ 8:18 ပူးပေါင်းရင်းမြစ်များ

TUMWÖY 112:3

Lïku piko konyi sïkön nko monkor akïtöpo mantanyi lenyoni kokay.

TUMWÖY 36:6

Karkegh mantangu nko kutïngkoti Tororöt, karkegh kirwokutköku nko koghïn cho pö nanam, ikomönenyi pich nko tyonkïn, we ECHOTYON.

NGÖTÏNYÖ 11:4

Melö nyiwu kïgh mökosyö ompö asispa kirwok, wölo söru man, chi ompö meghat.

NGÖTÏNYÖ 24:4

Kinyïghitöy ompö chïreryö korïn cho pö ori cho pö köyoni, tïku mökosyö cho pïchighöch löwïr. Ngöghomnyö nyo pö tömönut odeny nko akonga

NGÖTÏNYÖ 3:16

Mi osiswö cho chang ewunyi nyo pö tagh, akïmi sïkönöt nko konyït ewunyi nyo pö löt.

MATAYO 6:33

Wölo ayara kïny Pöyunöto Tororöt nko mantanyi tökïtöswokwa nyinte tïkuchoni löwïr.

LUKA 10:42

Kïgh akonga kwïle nyo roko kïlanyi, akakïl Marya kïyoni karam. Ainkïtï nyu lö puryö chi nyo chengo nyinte kïyoni.”

LUKA 12:33

Altena tïkukwo atotönö mey ropïyeni. Oyörchinö kegh mïlot cho melö wïrsot amörchï kegh kaplawachtin cho mewonyot ompö yïm wölo mönyorucha chorï antewur rirïm.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

PILIPI 4:19

Konokwa löwïr tororötïnyan möchutkökwo kïngetunö mökosyenyi nyo wow nyo mi Kristo Yeso.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

NGONGUT 3:18

Nyo kanya orurin ye nyu lö, alenanïn koltin cho kikiwunö ma atelïkuna sïkön, aiyal ngat sïra nyo rel nyo iloköy tökuyen arasingu nko chïrutyengu aiyal ngat sakïtya konyïn, atemuka rosïtena.