NGÖTÏNYÖ 8:13 - PIPÏLIA

¹³ Kewagh ECHOTYON kï ketagh ngokï. Otöghan kwolöto kegh nko menetön, atöghan otöp nyo gha nko ngal cho ghach.

NGÖTÏNYÖ 8:13 ပူးပေါင်းရင်းမြစ်များ

AYUPU 1:1

Kimi chi nyo kimöngöy kor Us nyo kikïkuro Ayupu. Ki chi nyo tenate akikonyïtöy Tororöt akilowito kegh ghöyityö.

AYUPU 28:28

Atolapay kïlenchï ptangengmöt, ‘Kekonyït Echotyon kï ngöghomnyö, kekïrö kegh ghöyityö kï pköchin.’ ”

TUMWÖY 101:3

Amelö omïkukönchinan ghöyityö. Ghöchinanïn ighisyewut cho kichumpön. Melö tuyot ngalechoni nko chichan.

TUMWÖY 119:104

Onyorunan ngöghomnyö onyorchini kinetutköku, kïlenyona otöghan otöp anka löwïr nyo pö putintön.

TUMWÖY 119:128

Ghïtoy kinetutköku söpenyan, otïghan ortïn löwïr cho pö putintön.

TUMWÖY 138:6

Kïrkegh kemitenyi parak irosenyi cho tölose, wölo itopönchinenyi menot wölo low.

TUMWÖY 97:10

Chömöy ECHOTYON pich cho reyöy ngokï, ripöy nyinte söponwo pikachi akïsörunö chane ewuno pich cho ghach.

WUWÖT 1:17

Wölo kikonyït kamatichay pö echen Tororöt, akimökwighcha lenyini kimwochï pöytoghinto Misri chane, wölo kïpïstö monïng cho le wor kïsöpchö.

NGÖTÏNYÖ 10:31

Ngwïno ngöghomnyö kuti chi pö man, wölo kitöghöy ngalyap nyo masteghate.

NGÖTÏNYÖ 15:9

Ghöchini ECHOTYON ara mwokïyon, wölo chömöy chi nyo rïpöy tïlilïn.

NGÖTÏNYÖ 16:18

Rïpöy kinyarata menöto kegh, kirïpöy chïntagh kwolöto kegh.

NGÖTÏNYÖ 16:5

Ghöchini ECHOTYON chi nyo le menotyon, onkïtï nyo pö nyoman lö möchïwïtonye chichoni mungöt.

NGÖTÏNYÖ 16:6

Kïngöngöghtegho ngokï kighanat nko terchin, akïchïwïto chi ghöyityö ato konyït nyinte ECHOTYON.

NGÖTÏNYÖ 3:7

Mesïtyï kegh ngöghomnyö nyinte onkït, konyïtö ECHOTYON aimala kegh ghöyityö.

NGÖTÏNYÖ 4:24

Ilowitö kegh ngala ghöyityö ailowitö kegh putintön.

NGÖTÏNYÖ 6:12

Westoy chi nyo le kwïle akï mwokïyon, akïngölonotoy ngala sölwontön,

ISAYA 13:11

Mwoghöy ECHOTYON lö, “Opunan kiwurat ngwïny, anyörilan kong mwokïyis lömïs ompö ngokikwa. Owonyan menotön nyo pö pich cho le pkatis.

AMOS 5:15

Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

AMOS 6:8

Kikuwalwal kegh ECHOTYON, Tororöt Kimuktoghin lö, lilanïn menöto pipö Yakopo töghanïn kisön wölo lentöy aghïgh otötonan nyu kanasyantengwa nko kïgh anka tïkwïl nyo mi ori.

SAKARIA 8:17

Motötyï kegh ghöyityö amacham am muma ayokyï kegh amwagh putintön. Ompöwölo otöghan nyoman tïkuchoni löwïr.” Mwoghöy ECHOTYON.

RUMI 12:9

Ochomnyö ompö chomnyogh nyo puryö lïs. Atagha kïgh anka tïkwïl nyo gha achama kegh kiyon karam.

1 TESALONIKE 5:22

akïrö kegh kïgh anka tïkwïl nyo gha.

2 TIMOTEO 2:19

Wölo metimtimonye kokay kitorötö nyo kitek nyinte Tororöt, akï nyo kikikirchï ngalechï lentöy, “Nkït Echotyon cho le chechi,” akïlö ngat, “Ato mi chi nyo lentöy ochï chi pö Echotyon, kuroko kïpïstö ighisyewut cho ghach.”

1 PETRO 5:5

Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”

1 SAMWEL 2:3

Opïstenö ngalanat nyo pö kwolöto kegh, amakany kelïma menotön kutïwekwo, ompöwölo nkït ECHOTYON Tororöt ngal löwïr akï nyinte nyo rwokyini ighisyewut pö pich.