2 Atemuka ripö pköchin akïkaman kutingu chïreryö.
Omwotïteghonan kutinyu kirurutköku löwïr cho kikonunyi.
Ichinyi pïchigh kïtïl pich löwïr, tïng kutingu pöropchö, kikusoyöninyi Tororöt kokay.
Mwotïtoy kutinyan ighisyewutköku cho pö man, omotonan kwimön ngaleko sörunötengu, kïrkegh monkïtönye löwïr.
Pöghöy pich cho chang kuti chi pö man wölo meghot mwokïyis ompöwölo melö tïng pköchin.
Ngölonöy ngalyapu chi nyo ngöghom ngala chïreryö, wölo mïlu kutïwa sölwöy ngala sölwontön.
Mwotïtoy chïreryö kutïwa pich cho ngöghomöch, meghönye pich cho le sölwöy lenyoni.
Ighöy mïkulöwu chi nyo ngöghom ngalanatenyi kïchama, akïtösyini kinetut ngalechi.
Mito koltinö nko koghïn cho chang cho pö olyot nyo wow, wölo kï nyo pö kinyiwut tya chïreryö.
Werïnyu, irip ngöghomnyö nko pköchin lasiny amekany kichïwitenin,
Tökuno onyïniö kutingu le yit pö möghen, cheptönyo. Anyïn ngalyapungu ompö ani le chö nko kumat. Ngutoy sïroköku keti Lepanon.
