26 Iros lasiny weröy kelyeku, atökïchïchïm ortïneku löwïr.
Olentan, opï köghïteghote ortïnechan lachïs, ompö otini orïpan kikirutköku!
Ato ananan otöptinechan, owöghökyan kegh kirwokutköku.
Ato ngörökyini ECHOTYON otöpö chi pö man, kuntöghoghchini pantanyi.
Kingwïsunenanïn pïrïm, ongetunö norayon akutönanïn oghyongö ghat atïkatan wölo anger.
Ngörekyini chi nyo mötïngnye chïreryö sölwontön, wölo ighöy chi nyo tïng pköchin arenyi kïköchï.
Ighöy kegh mwokïyon lö ochï nyakan, wölo nonchini chi nyo tenote lasin wölo wetïtoy.
Tera werïnyu aingöghomitï, aisötyï mïkulöwungu or nyo pö man.
Nya kura konyiku tagh onkït aitopön tagh.
Ompöwölo sïwïyi ECHOTYON ortïna chi, akunkït nyinte ortïna chi anka tïkwïl.
Möyongönye ara söpon, turotoy kïsamta amenkïtunye.
Ompöwölo kenonchï kegh, akïwaghakegha ortïnechi chï ghach kïmömeghönye, wölo söpöy.
Arosa otöptonekwo.
Orip kegh nyu lasiny wölo otöptoy, motïpï le sölwöy, wölo otïpinö le pich cho ngöghomöch.
Kïlenyono malïkwï sölwöy, wölo onkïtunö lö ne nyo le machata Echotyon.
atökwigh mïkuliskökwa kïchïchïm, atalïkuna pich cho motïngcha lelut, atotïlilitunö ompö tawu Tororötïnyo akï Paponyo, otini ketï Echotyontenyo Yeso nko pikachi löwïr cho tïlilöch.
Wölo ghanate Echotyon nyo ighokwa achïchïma akïripenokwa Mwokïyontonay.
Aleta tagh arïpa or nyo ghïteghote, tömöngwal kel nyo chirate, wölo tökesop.
Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.
