25 Nya kura konyiku tagh onkït aitopön tagh.
“Kyaman muma nko konyichan, kyamwaghan lö mopïrchinanye työ.
Malena konyichan tïkwïn cho puryö kinyiwut, aikomönwo söpontanyu ompö orengu.
Ngörekyini chi nyo mötïngnye chïreryö sölwontön, wölo ighöy chi nyo tïng pköchin arenyi kïköchï.
Ighöy kegh mwokïyon lö ochï nyakan, wölo nonchini chi nyo tenote lasin wölo wetïtoy.
Sïwïyi konyiku mengwoy akïmwa kutingu tïkwïn cho chumpönote.
Wetöy sïkönöt lö weng, ompöwölo pitöy köpepoy, akupiltö le sich kïtopön yïm. Ngöghomnyö nyo pö mut nko sömök
Ilowitö kegh ngala ghöyityö ailowitö kegh putintön.
Iros lasiny weröy kelyeku, atökïchïchïm ortïneku löwïr.
“Kong kï kitömöwonto por, nyo ato karam kontangu, kïmi löpoyïn kïmïkul.
