11 Mi pich cho chïpöy papotïnekwa amesoyönöcha kamati.
“Chi nyo chïpöy kwanta anta kame ketïghöy kïma.
Chi nyo chïpöy kwanta anta kame, kemisöy söpontanyi kïtuwit lömïs.
Iter ngaleko papongu nyo kisïkïn, amesas komöt ato yosit.
Ködötu kukayoy pö tömkö akwam mötonywö kompa chi nyo nyerero kwanta akïsösöy möterchï yonyi.
“Chi anka tïkwïl nyo chïpöy paponyi anta yonyi ketïghöy akwomöy nyinte kisönkachi.
Lenchini ECHOTYON Kimuktoghin tïsï, “Konyïtöy monïng kwanta akïkonyït mötworintö echotyontenyi. Kwato ochan paponkwa, kunko konyïtönkwa? Akwato ochan echotyontenkwa, kwompö ne tömokonyïtanïkwa? Osösanïkwa, ayokyï atep lö, ‘Kakïsasichanyi lö ne?’
Otini kisïwa Yoana Parisaytin* nko Sadukaytin* cho chang kïpkonchini nyinte atökepatisan, kïlenchï, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy?
“ ‘Chïpote chi anka tïkwïl nyo mökonyïtönye kwanta anta kame.’ Kuyokwï pich löwïr lö, ‘Amen!’*
Wölo ato mi mïsïk nyo tïng monechi anta kokötinechi, kïmïchini nyo pö tagh kuporï monechoni kighanatengwa ompö ripöto kutak wölanya kikïnam chane. Chömunote ngölyontononi ompö tawu Tororöt.
Wölo atomengaraknye chi pikökwa, ntökïmïr chini pö katangwa, kï kikïpïstö chichoni kighanatenyi akïgha tya kïsir chi nyo meghönönye Tororöt.
Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.
