25 Meway otyogh nyo miru anta ato itï kiwurata mwokïyis.
Mewöghönye atolïm ngal cho ghach, chïchïmate mïkulöwunyi kukönöy ECHOTYON.
Wechï nyorisyot chane lawel akemista ompö otyogh kïlowöchitu.
Melö iwöghenyi otyogh nyo pö oghö anta kotï cho kïwutu pöghet
otini kechumchokwa tapan le chepkïrïri, akuchumchokwa nyarïl le pïchpïch, akuchumchokwa kömpölelyö nko ngwonïn.
Ighinyi man chïchïma, ilowitunonyi nyarïl nko otyogh.
Töpo chi anka tïkwïl ketïnyi pö sapipun nko moköngwenyi ghït ompö kalya möminye chi nyo otyegho chane. Mwoghöy ECHOTYON Kimuktoghin.
Oripan ante korenyu tömöngisngis lïkos pö koros walaka. Mopïsinanye ngat kepïr piköchan, ompöwölo kyasïwan ante chopat nyo kyam piköchan.
“Ato asïwekwa nyu ‘Ghöyïn pö otyogh pö Kinyarat,’ nyo kimwa werkoyon Daniel kughyongö ato tïlil. (Akanya kïpköchï chi nyo somönöy ngalechï!)
Olïmekwa ngala poryotïn nko putintöno poryotïn. Orip kegh motyö, ompöwölo itu ngalechoni nyo mötïny, wölo meporucha ngalechoni lö kikwitïta sörömu ngwïny.
Kïlenchï Yeso chane, “Kölö ne towöghisyenökwa? Motïngökwanye kighanat so?”
Akwoto alïmakwa ngala poryot nko ngala puchen, motyö, ompöwölo nyoghöy kwighisyot ngalechoni mötïny, wölo meporunye choni lö, kikwitï söröm.”
Kïlenchï Yeso chane, “Makany kusus kegh mïkuliskökwo, aghanakwa Tororöt, aghananïn tïkwïl.
Wölo kïrkegh kakinyarilakwa, ompöwölo kaghakwa nyo karam, wowitu atoni kïtya ngörekyö ompö akwa! Mawagh chi nyonikïny, amakany kususekwa kïgh.
