NGÖTÏNYÖ 27:10 - PIPÏLIA

¹⁰ Mechal kongengu anta kongeto kon, amewö koto werïngwo ompö asispa nyarïltangu. Kaykay pöröryengu nyo lekït kïtïl werïnkwa nyo low.

NGÖTÏNYÖ 27:10 ပူးပေါင်းရင်းမြစ်များ

2 SAMWEL 19:24

Kungwïn Mepiposyet nyo pö ka Saulö kïtarok pöytoghin amelö kiwun kelyechi anta mut tamughyenyi anta mwat sïrokachi, kïngata otini kingeta pöytoghintö Yerusalem ntökïmïla nyo karam.

2 SAMWEL 19:28

Kimïtchinecha meghat, ani nko koto paponyan ompö wölo imitenyi, wölo anyï ye ketönaninyi nko pich cho omisyegho mesengu. Ne kitö nyu anka nyo tosominyi pöytoghin?”

2 SAMWEL 21:7

Wölo kïpïstö Daudi Mepiposyet mompö Yonatan wero Saulö akwompö muma nyo kiwalwal Daudi nko Yonatan ompö kanasyanta ECHOTYON.

2 OTÖPTINO OSIS 24:22

Kiwutyeghö pöytoghintö Yoas köromnyö nyo kighchï Yeoyada papoto Sakaria kïpar werïnyi. Otini kimi kurïlotoy kïlö, “Nya kïsïwa ECHOTYON kïyete kaghakwa akutak.”

NGÖTÏNYÖ 17:17

Chomnyot kongot kïtenö osis, wölo soröy kegh pich cho tupchö ato itu kömpölelyö.

NGÖTÏNYÖ 18:24

Mi kongot cho ighöy kegh lö kïchï kongot, wölo mi akong nyo nomnyot nko kongenyi kïtïl werïngwa chi.

NGÖTÏNYÖ 19:7

Reyöy meywon werkökwa löwïr, lowöchitu nyu nyoman kongotichi ompö nyinte! Kïrkegh kïrïpata akïsoghsoghotoy chane, makïnyorunye chane.

YEREMIA 2:5

Lentöy ECHOTYON, “Ghöyïn ne nyo kisïwechanïn papotïnekwa, tökusïrar kegh akïsor kïsagh tororötin cho möle akïlïkwï chane kwïle nya?

IGHISYEWUT 23:12

Kïtuyö pipö Yaudi walaka ompö asis nyo kirïptoy akuwalwal kegh ompö tawu Tororöt lö, “Mökyomisïyechanye anta kïgheghsyö tökïtenö ketïghöcha Paulö.”

KINONO KIRURUT 22:1

“Ato sïwa chi teto werïngwo nyo pö Israel anta kechenyi nyo kepot, megh kegh le chi nyo masïwanye, mïchini yodenanyi wölini mi nyinte.