1 Myomchï nyonyintön mwokïyis anta imach töpenö nko chane,
Soyönote chi nyo melö westoy nko mwokïyis, nyo mörïpönye ortïna pipö ngokï anta mpur nko pich cho roröchini Tororöt.
Meparante nko mwokïyis anta icheng söpontönyan nko cho pö rïmï,
Mesus kegh ompö mwokïyis amesïch nyonyintön ompö pich cho ghach.
Sisa nyu ompö tawu ECHOTYON aikön nyinte. Mesus kegh ompö pich cho mökosöch anta tötoy wököt.
Ompöwölo kyotïngetan saghsaghat ompö menot, otini kyasïwan pöghisyö nyo kitïng mwokïyis.
Ngöghomitu chi nyo westoy nko pich cho ngöghomöch, wölo wongu cho nomnyotoy nko sölwöy.
Mekany kwomchï mïkulöwungu nyonyintön mwokïyis, wölo waghanyi ECHOTYON kïtenö osis.
Mekany kïnyïtïn pich cho ighöy ghöyityö, amomchï nyonyintön mwokïyon.
Metup kong pkatyan amerïp arenyi anka tïkwïl,
Merïp ara mwokïyis, amewesteghö ara pich cho ghach.
Irop kamas, metyak aranoni. Waghakeghena aranoni aiwechï kegh.
