14 cho ngörekyot kwighöy ghöyityö akïmïlöy kipotöto ngokï
Ighöy sölwö kïgh nyo gha le pirö, wölo ngörekyö otöp nyo karam ompö chi nyo ngöghom.
Pïrchini mïkulöwu mwokïyon ghöyityö, melö syonchini ompö nyini le pöröryenyi.
Ompöwölo mörusocha, ato tomöcha kwïgh kïgh nyo gha, amelö ngwïnchini rïwonto, ato tomöcha kïmïghit chi.
Lentöy ECHOTYON, “Tökwighöy ne piköchan chï ochöman Konyan otï ighöy ngokï le nyï. Lentöy so muköy kiwolwolut nko amörostin kwigh chane kïchïwityeghö nyarïl nyo pïnï yi? Choni ye cho ighöy chane kïngörekyö?
Lentöy ECHOTYON, “Poypoyöy pich pöytoghin ompö ngokikwa akwigh yetïntin kïngörekyö ompö lïsutkökwa.
Nömöy pipö Papilon pich ompö moyontin le ato kaghagh chane chuto moyontinekwa akuteghyö ompö ngörekyö ompö namatengwa.
Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.
Nkït chane lö lentö Kirurut pö Tororöt pich cho möngisïyi lenyoni kïmïchini kïmeghö. Wölo letöy chane tagh ompö ngalechoni akï, mwochini piko walaka cho ighöy ngalechoni lö, “Kaghakwa kuten.”
möngörökyininye ghöyityö, wölo ngörökyini man.
