6 Ipu kuti sölwö riri, akumïtu kutinyi mungöt.
Kïnyoghöy kenkïtu nörekyo sölwö lawel, wölo möyongöynye chi nyo ngöghom kimwagh.
Ipu menotön poryot kwïle, wölo tïng ngöghomnyö chane cho lïmöy ngal.
Ripöy kegh chi nyo ngöghom akïghöpönö ghöyityö, wölo möripönye kegh sölwö amotyonye.
Lenye kuti sölwö sitöt ompö nyinte, wölo ripöy pich cho ngöghomöch kutïwekwa.
Karkegh towunöto syala nko ato kïyatïta pögh, kïlenyona nyagha wïyö kïtomö kutor syala.
Nyoru sitenyi chi nyo mïrmïr, ompöwölo ato isörunyi nyinte, kïtelimenyi ngat ghete nyinte.
Kikemutyï kichïmpisï kirwok, nko sitit cho kumungo sölwöy.
Kïkonyïtöy chi nyo melö syölin, wölo syölin chi nyo le sölwö.
Yona kichïmpisin atökuwonyö syala, akïsï kimöloto kegh nko kimwoghsyö.
Kaykay kemang luchpa kö ato le monchök, kïtïl kemang kö nko korka nyo le syölin.
Nïkis kogh, kï nïkisöch ngayam tya, wölo nïkis nörekyo sölwö kïtïl choni kwodeny.
Ato möl kegh chi nyo ngöghom nko sölwö, nöreköy sölwö akumwoghsyö akïror nyo möngötönye.
