NGÖTÏNYÖ 15:15 - PIPÏLIA

¹⁵ Ghach osiswö löwïr ompö chi nyo kichopöy kong, wölo ngörököy kïnomnyö chi nyo pïghyongöy osis löwïr.

NGÖTÏNYÖ 15:15 ပူးပေါင်းရင်းမြစ်များ

TOWUNÖT 37:35

Kïnget werkachi tïkwïl nko tipichi kïpa kïsagh nyinte kïsï, wölo kimachamnye nyinö kitöchömöy kïlö, “Owetan ngwen otini tomitan orirchini werïnyu.” Kïlenyona, kulet tagh kïrirchï werïnyi.

TOWUNÖT 47:9

Kuyokyï Yakopo Parao lö, “Könyiswechan kï 130. Ngorï akï ghach könyiswö cho kawangan akï tomönye kwit könyiswechan cho kit könyiswo papotïnechan ompö rutoghtöngwa.”

NGÖTÏNYÖ 15:13

Ighöy mïkulögh nyo ngarakate tokoch kïlöpoyit, wölo ighöy kiwongunotö mïkulögh kïsïch nïkisyö.

NGÖTÏNYÖ 15:14

Yöröy chïreryö chi nyo pköchini ngala, wölo ngölonöy chik sölwöy sölwontön.

NGÖTÏNYÖ 15:16

Kaykay kïtïng chi tïkwïn cho ngörï akuwöghöy ECHOTYON kïtïl mökosyö nyo wow nyo mi awernan.

NGÖTÏNYÖ 16:22

Ngöghomnyö kï kompa pögho söpon ompö chi nyo tïng, wölo sölwontön kï sito sölwöy.

NGÖTÏNYÖ 17:22

Sakïtyan nyo karam mïkulögh nyo ngarakate, wölo ighöy chi kuyuy mïkulögh nyo nïkis.

IGHISYEWUT 16:25

Ato mi oghökwen kïwechï Paulö nko Sila kïsagh akïtum tumwöy cho sölöy Tororöt, akilïmöy pipö chela walaka.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 5:11

Akïmönyoninye onkït, kïturonchocha ompö kïgh nyo kegh ye Tororöt ompö Echotyontenyo Yeso Kristo nyo keghecha kelinyenö nko nyinte.

2 KORINTO 1:12

Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

2 KORINTO 1:5

Ompöwölo kïle otini töso kiwongunötenyi pö Kristo ompö orincha, kïtösisyot tïkwïl lenyoni soghsowutköcha ompö nyinte.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

1 PETRO 4:13

Wölo ongörekyenö ompöwölo lata nyoni ato omitekwa owongwu tïkwïl nko Kristo atamuka onyorunö ngörekyö nyo wow ato ngongwï Tororöt ororyenyi.