34 Syolöy man kor, wölo arasï ngokï ompö pich löwïr.
Kimul ECHOTYON pipö Yuda owesyö ompöwölo kighchï nyo gha pikachi Aas pöytoghinto Israel ompö Yuda, akïtighintöchï ECHOTYON.
Kigh nyïngwïtyan nyo akwagh kïlïkwï koro partin, akwompö ghöyityo pich cho kimöngöy wöloni.
Töpo ngöghomnyö mïkulöwu chi nyo pköchini kïgh, wölo puryö ngöghomnyö mïkulis pö sölwöy.
Tïngeto chömchin pö pöytoghin mötworintö nyo ngöghom wölo sösöy chi nyo ighöy tïpö arasï
Chïchimöy pöytoghintö kor ato pöghisyeghö kitenat, wölo wuröy korononi nyinte nyo mököy tïkwïn cho kiyenuno egh.
Otini kingalan pipö Epraim kïpotonchö pich kyowesöchitu chane ompö Israel wölo nyini kilel, kïsagh Paal* kïma.
