NGÖTÏNYÖ 14:32 - PIPÏLIA

³² Kïkölöngöy mwokïyon ompö ighisyewutkachi cho ghach, wölo nyoru chi pö man ato ghïpo ompö mantanyi.

NGÖTÏNYÖ 14:32 ပူးပေါင်းရင်းမြစ်များ

TOWUNÖT 49:18

“Kyakanyan sörunötengu ECHOTYON.

AYUPU 13:15

Ato paranïn nyinte, kïparanïn ne nyo kötötokönan, wölo kïrkegh kölenyoni oghetan kegh ongölonöy ompö tawunyi.

AYUPU 18:18

Kïngwïso nyinte löpoyïn aketorchï tuwïn kitulöy kupotö ngwïny lö weng.

TUMWÖY 16:11

Iporwaninyi or nyo wetöy söpon, inyïghitaninyi ngörekyö otini ichinyi lekït, konanïn ewungu nyo pö tagh turönöt kokay. Saghata Daudi.

TUMWÖY 17:15

Wölo orosinyi ompö man, akwotini kangetan opïghyoninyi.

TUMWÖY 23:4

Kïrkegh kowesteghan mpöghoghyo rurwo meghat, kïmelö owöghan ghöyityö, ompöwölo imitenyi nko ani. Ripanïn lïkïngu nko kïwantingu.

TUMWÖY 37:37

Iros chi nyo karam nko chi pö man, nyoru chi pö pöghisyö perur,

TUMWÖY 58:9

Kïtomö kïpitï kato, nya kupuktö nyinte ompö nörekyö, otini tökïsöpchot.

TUMWÖY 73:24

Nyi nyo intöghoghwanïn ompö kirurötengu. Ato mi löt itakaninyi atwan wölo mi ororyö.

NGÖTÏNYÖ 11:5

Ntöghoghchini man pö chi pö man arenyi kuten, wölo pïtyini mwokïyon ghöyityenyi.

NGÖTÏNYÖ 14:33

Töpo ngöghomnyö mïkulöwu chi nyo pköchini kïgh, wölo puryö ngöghomnyö mïkulis pö sölwöy.

NGÖTÏNYÖ 24:16

ompöwölo kïrkegh kupït chi pö man kïnyïl mut nko odeny kïtökïngetöy ngat, wölo köpïghöy nyarïl mwokïyis. Ngöghomnyö nyo pö tömönut odeny nko mut nko sömök

NGÖTÏNYÖ 5:22

Nömöy mwokïyon ngokichi kegh, akïrat nyinte sïngata ngokichi.

NGÖTÏNYÖ 6:15

Kïlenyona miröy nyu nyinte nyarïl, pulchini lawel nyarïl akupurpur kupot.

LUKA 2:29

“Pïstenönyinyu ye mötworintengu, Echotyon, kïwö ompö kalya kïrïp kegh nko ngölyontengu,

YOANA 8:21

Kïmwochï Yeso chane ngat lö, “Owechinan kegh, opechikwa ayaranïn, wölo omeghsokwa ompö ngokikwo. Momuchekwanye opkone wölini owetan.”

YOANA 8:24

Nka nyay komwowokwa lö omeghsokwa ompö ngokikwo ato maghanakwanye lö, ‘Ochan nyinte,’ omeghsokwa ompö ngokikwo.”

RUMI 9:22

Lata nyoni tïkwïl wölo kida Tororöt. Kimököy kuporu nörekyenyi atökenkïtï owesyenyi. Kïlenyona, kïmïkukönchï nyinte tya pich cho kikikïker nörekyenyi akï cho kimi psach.

2 KORINTO 1:9

Nyoman kikïlatecha pich cho kökikemutï kirwoko meghat. Kigha lenyoni atömökïtighecha kegh owesyenyo, wölo töketighenöcha kegh Tororöt nyo ighöy pich cho kimeghö kututï.

2 KORINTO 5:8

Kïchicha nyökon akepïrchinecha lö tökïwuwö möngonete akepa ketïpï nko Echotyon.

PILIPI 1:21

Ompöwölo ompö ani, söpon kï Kristo, wölo meghat kï kinyiwut nyo wow tya.

PILIPI 1:23

Köpiryechanïn ye ngala odeny, opörchinan tya owö otöpö nko Kristo, ompöwölo karam nyoni kïsir tïkwïn löwïr,

1 TESALONIKE 5:3

Ato mi pich kïlentöy, “Mi pöghisyö nko kalya,” miröy nyu chane wïrata le ato itini kichïr korka nyo lusïyi amemuköcha pïchoni tökïchïwïtyöt!

2 TIMOTEO 4:18

Sörwanïn Echotyon ompö kïgh anka tïkwïl nyo gha, akïripanïn ntökïtenö atan Pöyunötenyi nyo pö yïm. Nya kïsïch nyinte ororyö kokay nko kokay! Amen.*

NGONGUT 14:13

Atolapay alïman kut nyo ngwïnö yïm nyo kilentöy, “Kira lö! Soyönote pich cho meghyot kïngeta ye kïtas tagh, kïpöghisyechini Echotyon!” Kuyokyï Mïkulögh lö, “Owöy lenyoni nyoman! Sïköy chane kimïny ompö kighotikwa, ompöwölo rïpöy chane ighisyewutkökwa.”