28 Mi söpon ara man, wölo ipöy pich ara kipotöt meghat.
Töngöy ighisyo chi pö man söpon, kutöngöy cho pö mwokïyis ngokï.
Menyiwunye kïgh tïkwïn cho kïnyoru ompö ortïn cho ghach, wölo söru man chi ompö meghat.
Söpöy chi anka tïkwïl nyo metimtimonye ompö kighanat, wölo meghöy chi nyo rïpotoy ghöyityö.
Ompöwölo nyinte nyo nyorwanïn, kï könyoru söpon akïnyoru chömchin ompö ECHOTYON,
Ompöwölo tösisyot osisweku ompö ani aketösöy könyis cho isöpenyi.
Atolapay kïlenchanïn ECHOTYON lenchinö pïchoni lentöy ECHOTYON, “Atera, kotönön tawunkwa ara söpon nko ara meghat.
Kikaman kirurutköchan akïrïp kiyomisutköchan lasiny, kï pö man nyinte akïsöpöy nyo mötïny. Mwoghöy Echotyon TORORÖT.
Kïlenyona nyu, kïle wölini kipayta ngokï ompö ara meghat, kïpöytoy tïkwïl pöropcho Tororöt ompö ara man atökuntöghoghwecha pöropchononi kelïtö wölo mi söpon pö kokay ompö Yeso Kristo Echotyontenyo.
“Akïla asisete söpon anta meghat, köromnyö anta ghöyityö.
Akïla ye nyu söpon anta meghat, kisoyönöto Tororöt anta chïpötenyi. Okuran yïm nko ngwïny kïlïkwï söwikwa ompö kïyoni kakïlakwa. Akïla nyu söpon atosöpchenö nko monekwo.
kïlenchï, “Orip lasiny kirurutchï löwïr komwowokwa asete anet monekwo atökumï kïrip kirurut pö Tororöt osis löwïr.
Kïle wölini onkïtökwa lö pö man Kristo, kïmïchini tïkwïl onkïtunökwa lö anka tïkwïl nyo ighöy man, kï mompö Tororöt.
Makany kïlïsak chi monechu! Chi anka tïkwïl nyo ighöy tïpö man, kï pö man, le wölo pö man Kristo tïkwïl.
Kongenyu, memustö kegh kïgh nyo gha, wölo irïp nyo karam. Anka tïkwïl nyo ighöy nyo karam, kïpo nyinte Tororöt, akwanka tïkwïl nyo ighöy nyo gha kïtomönye kunkïtï Tororöt.
