NGÖTÏNYÖ 11:30 - PIPÏLIA

³⁰ Otöpö chi pö man, kï ket pö söpon, ngöghom chi nyo söru mïkulis pö pich.

NGÖTÏNYÖ 11:30 ပူးပေါင်းရင်းမြစ်များ

TUMWÖY 92:14

Yinu chane akwa, kïrkegh kikïyositu, nyörilöch akïtïng owesyö kïtenö osis.

NGÖTÏNYÖ 12:12

Pïrchini mwokïyis kwigh tïkwïn cho ghach osis, wölo ghyongöy lö kïng nyighïna chi pö man.

NGÖTÏNYÖ 14:25

Soru pich söwintöno man, wölo wïchtoghin chi nyo mwoghöy putintön.

NGÖTÏNYÖ 15:4

Karkegh ngala cho tölose nko sakïtyan nyo sopöy, wölo meghöy chi mu ngal cho ghach.

NGÖTÏNYÖ 3:18

Ket pö söpon ngöghomnyö ompö chane cho rïpöy lasiny akusoyönote anka tïkwïl nyo nomnyotoy nko nyinte.

DANIEL 12:3

Lïwu cho ngöghomöch le asis. Akulïwu cho ntöghoghchini pich kwigh man le kokel kokay nko kokay.

MATAYO 4:19

Kïlenchï Yeso chane, “Arïpkanïn ataghakwa alïkuna nömi pich.”

YOANA 4:36

Nyoru ilinto pagh ropöwontenyi, akïghömïtöy pagh ompö söpon pö kokay atökïngörekyö chane kwodeny, ngorin nko ilin.

1 TESALONIKE 2:19

Ompöwölo, kötölïku ngo kikönötencha nko ngörekyencha nko kwolötencha, makwanye cho olïku kwolötencha nyo pö rïntagh ompö tawu Echotyon Yeso otini kamïla nyinte?

YAKOPO 5:20

onkïtï lö, chi anka tïkwïl nyo yokuno mwokïyon ara kipotöt, kïsöruno söponto mwokïyontononi meghat akwigh ngokï cho chang cho kökikwigh kelasta.

NGONGUT 2:7

“ ‘Ato itïng chi yitïn, ilïm ngal cho mwochini Mïkulögh kanisen! Otöninan nyinte nyo rïntoy kwam okinto ket pö söpon nyo mi ka Tororöt.’