NGÖTÏNYÖ 10:28 - PIPÏLIA

²⁸ Lïku kikönöto chi pö man ngörekyö wölo lïku kwïle kikönöto mwokïyis.

NGÖTÏNYÖ 10:28 ပူးပေါင်းရင်းမြစ်များ

AYUPU 11:20

Wölo nuksot konyi mwokïyis, pötyini chane or anka tïkwïl nyo chïwïtyegho, akïlïku könötengwa nyo pö söröm meghat.”

AYUPU 8:13

Lenye nyoni nyu pich cho ghach, wetöy lö weng kikönöto mwokïyis,

TUMWÖY 112:10

Nyini kasïwa mwokïyon kïnarek, sïröy morïn ompö kilïl akupot sïrmoy, wonyot machatenyi kokay.

TUMWÖY 16:9

Kïlenyona turönote mïkulöwunyan, omitan kalya lasiny,

TUMWÖY 68:4

Otumchinö Tororöt, asal kaynatenyi asagha nyinte nyo wegho poltoy. Kïkuro kaynatenyi ECHOTYON, ongörökyinö nyinte!

NGÖTÏNYÖ 11:23

Wonyechini machata chi pö man köromnyö kïpoto, kuwonyechini kikönöto mwokïyon kirwok.

NGÖTÏNYÖ 11:7

Ato ma mwokïyon, kupotöy kikönötenyi, akuwonyot kikönöto mwokïyon.

NGÖTÏNYÖ 14:32

Kïkölöngöy mwokïyon ompö ighisyewutkachi cho ghach, wölo nyoru chi pö man ato ghïpo ompö mantanyi.

NGÖTÏNYÖ 29:6

Kïnömo mwokïyon ngokichi, wölo tumöy chi pö man akïturön.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

RUMI 5:2

Keghecha Kristo kenkïtunö lö nen pöropcho Tororöt ompöwölo kighönecha nyinte. Nka nyete nyu kïngörokyinecha kikönötencha nyo kïghömöy nyo pö ororyo Tororöt.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,