NGÖTÏNYÖ 10:22 - PIPÏLIA

²² Ighöy chi kisöyönöto ECHOTYON kïsïkönon amelö töstoy kiwongunöt.

NGÖTÏNYÖ 10:22 ပူးပေါင်းရင်းမြစ်များ

TOWUNÖT 12:2

Oghinyi lïkune pipö kor akonga cho chang tya. Osoyöninyi aghinyi rumtenö lasiny atelïkuna kisoyönöt.

TOWUNÖT 13:2

Ki sïkön Apram nyoman, kitïng kechir nko ngaror nko tïch nko ropïyen nko koltin.

TOWUNÖT 14:23

lö, mochenganye ompö nyo le tasim anta törököwonto kweghyon anta kïgh anka tïkwïl nyo le nyengu, tömelö kaghan Apram kïsïch sïkönön.

TOWUNÖT 24:35

Kikuperur ECHOTYON nyoman echotyontenyan akwigh nyinte kïlïkwï monkoryon akïghetï. Ketö nyinte okwot pö kechir nko cho pö tïch nko ropïyen nko koltin nko mötwor cho le mïrön nko cho le tipïn nko tamasay nko sïkïröy.

TOWUNÖT 26:12

Kïkatkat Isak kösïgh korononi könyinoni, kwil kïnyïl pokol, ompöwölo kiperur ECHOTYON nyinte,

TOWUNÖT 26:13

kïlïkwï chichay sïkön akïtas kïsïch tïku walaka nko walaka ntökïtenö kïlïkwï nyinte sïkön nyoman.

1 PÖYTOGHÏ 21:19

Mwochinö nyu nyinte lö, kolö ECHOTYON, ‘Kichö otini keparanyi chi, iwechinyi ichenga tïkuchi tïkwïl so?’ Mwochinö nyinte lö kolan, ‘Melo kukïdinö kisönköku otini kamela kisön pö Napot.’ ”

1 OTÖPTINO OSIS 4:10

Kïsagh Yapes Tororöt pö Israel kïlenchï, “Soyönante Tororöt aipörogh rotyotïnechan, töpenö nko ani ainategha kïgh anka tïkwïl nyo ipkanïn ghöyityö!” Kutö ECHOTYON nyinte kïgh nyo kisom.

2 OTÖPTINO OSIS 25:9

Kïtep Amasya chichay pö Tororöt lö, “Petöy lö ne ropïyenichay kotötan otö lïko pipö Israel?” Kïwöghökï chi pö Tororöt lö, “Tïng ECHOTYON or nyo koneninyi cho chang tya kïtïl choni.”

2 OTÖPTINO OSIS 32:27

Kitïng Esekia sïkönöt nyo wow nyoman nko konyït akirorchï kegh kaplawachtin cho pö silpa nko cho pö koltin nko cho pö köghïn cho pïchighöch nko cho pö tïkwïn cho ngutoy cho onyïn nko cho pö longoy nko cho pö karï walak löwïr cho pö olyot nyo wow.

2 OTÖPTINO OSIS 32:29

Kiyörchï kegh ngat kanastin akitïng ocheywo kechir cho chang nko cho pö tïch, ompöwölo kitö Tororöt nyinte kïnyorï tïkwïn cho chang.

TUMWÖY 107:38

Kusoyön ECHOTYON pikachi akutö kïsïch monïng cho chang akïtas kyakikwa kïchangit.

TUMWÖY 127:2

Oghekwa ighisyö nyo pö kwïle chona ongetöy kiwasan aropï otini opetöy orusot, alentöy tonyorunö omisyö. Ompöwölo pöghöy ECHOTYON chane cho chömöy nyinte otini mi rïwön.

TUMWÖY 37:22

Mïlöy pich cho kakusoyön ECHOTYON kor, wölo kïpïstoy pich cho kikïchïp nyinte.

NGÖTÏNYÖ 14:24

Sïkönöto pich cho ngöghomöch kï ororyengwa, wölo syongöy nyu sölwöy sölwontönengwa kïpoto.

NGÖTÏNYÖ 20:21

Ato nya chi kïnyorï tïkwïn lawel, kïpïyïsyot ato le löt.

NGÖTÏNYÖ 28:22

Rïpchini sïkönöt chi nyo gha kong, akïmenkïtnye lö ityini nyinte meywontön.

NGÖTÏNYÖ 8:21

otöninan sïkönöt chane cho chomanïn, anyïghit kaplawachtinekwa.

DANIEL 1:15

Nyini kiwonyö osiswechay, kïlö kiros chane karamach tya akï okwoghöch kïtïl kongotikwa löwïr chay kyomöy omisyewut cho le kïlan cho pö pöytoghin.

SAKARIA 5:4

Lentöy ECHOTYON Kimuktoghin, “Oyoktonan chïpö kïlït kori chorï nko pich cho omöy muma ompö putintön. Omöy chane chïponï nko ketiko kot nko koghi cho kikïtekta!”

KINONO KIRURUT 26:10

Sïwene ye nyu köny poretayichï pö ilö kekonaninyi, we ECHOTYON.’ “Atolapay otö atoni mi ECHOTYON Tororötïnkwa asagha nyinte wölini.

KINONO KIRURUT 28:11

Konokwa ECHOTYON monïng cho chang nko kyak nko omisyö nyo wow ompö koronini kiyomisyï papotïneku lö okonokwa.

YOSWÖ 6:18

Wölo okïr kegh, tömacheng tïkwïn cho kikengot kïpöyit ECHOTYON atökenyar, tömopchï chïpö nko nyarïl möngo Israel.