NGONGUT 8:5 - PIPÏLIA

⁵ Atolapay kïcheng malaykayantanay töwïtyonay kïpelo mankoy, akunyïghit ma ompö ato kïpelo amöros, akïwirchï ngwïny. Kwitï tïlötö nko kiteghat nko kiryal nko potanata ngwïny.

NGONGUT 8:5 ပူးပေါင်းရင်းမြစ်များ

1 PÖYTOGHÏ 19:11

Kïlenchï ECHOTYON, “Wïyö ghyongenö tawunyan ompö kutïng parak.” Akwotini kitökughyongo Eliya atoni, kuwerï ECHOTYON ompö yomöt nyo wow nyo kikarer kutïngöy akïpasyang ghatoy, wölo melö kimi ECHOTYON yomononi. Kïsï yomonay, atolapay kutor koronay kurïngring. Wölo melö kimi ECHOTYON kirïngringötonay.

TUMWÖY 18:13

Kïtïl ECHOTYON ompö yïm, kelïm kuti Tororöt nyo Töror Tya.

WUWÖT 19:16

Kimito kutïng tïlötö nko kiryalat tökwoghö ompö asispa sömök, akulum polta nyo tuw nko chöghöto kontï nyo kichögh tya. Kïpotan chi anka tïkwïl nyo kimi möngot.

ISAYA 29:6

Sörunyi ECHOTYON Kimuktoghin ompö tïlöto ilat nko potanata ngwïny nko chöghöt nyo wow nko chepkiriri nko lyopöto ma nyo wuröy kor.

ISAYA 30:30

Ighöy ECHOTYON chi anka tïkwïl kïlïmöy kutinyi nyo pö töroryö atökuporchï chane wölo nïkis kïlïkwï nörekyenyi. Kïsïwïyi atoni lyopötin nko kiryal nko takarïstin nko rop nyo ipu chepkiriritin.

ISAYA 66:6

Atera kiteghat nyo kïlïmo kanasyan! Ngwïno kiteghatanoni Kö pö Tororöt.* Kechop kong ECHOTYON pungkachi nko nyoni pö kiteghatanoni!

YEREMIA 51:11

Lentöy ECHOTYON, “Owïkunan pöytoghi Mede pkonöy kïpöröy Papilon otökisïyan ompöwölo kinyar Konyan. Alïta kotikwo! Ateka longoy!

LAWIN 16:12

Atolapay kïchengwï kerony nyo kinyïghï ngeset ompö ato kïpelo amöros akïcheng tïkuchay ngutoy cho onyïn römut akonga cho kikïtïgh kïmïnkechitu atolapay kwip kïlït Wölo Tïlil Tya

SAKARIA 14:5

Oryöghekwa oweröy mpöghoghyonï köreröy kutïng pö ECHOTYON. Oryöghekwa le papotïnekwa ato kichïwïtyeghö korïngring osiswo pöytoghin Usia nyo pö Yuda. Atolapay kuchumï ECHOTYON, Tororötïnyan nko pich löwïr cho tïlilöch.

MATAYO 24:7

Ompöwölo setyini kegh puntonï akïporyö pöytoghi pöyunöt anka nko pöyunöt anka. Itu kömeywok nko potanata ngwïny ompö woptin löwïr.

LUKA 12:49

“Kyangwïnan otyorchï ma kitas tagh ompö ngwïnyinete. Opï kötö kikïnagh mayoni!

IGHISYEWUT 16:26

Kïnyini lawel kïpotan ngwïnya nyoman kïngönngönitu pölöw cho kikïteka chelanay. Akïpanini lawel kïyotisyö kukot lapay akïngötö sïrïmtine chay kikïrata pïchay löwïr.

IGHISYEWUT 4:31

Nyini kuwany kïsoghöy, kïpotan atoni kinyoryeghö chane. Kenyïghit chane Mïkulögh nyo Tïlil, akïngalan ngölyonto Tororöt ompö nyakanat.

NGONGUT 11:13

Otini lawel, kurïngring ngwïnya tya nyo kiwur kareran akonga ompö taman nyo pö kanasyantanoni. Kimeghö pich cho le 7,000 ompö korïngringoni pö ngwïny. Kuwöghisyö pikö chinö köngötï tya akïsal Tororöt kïlentöy, “Wow kïtya owesyengu we Tororöt nyo imi yïm!”

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

NGONGUT 4:5

Kungwïna kiryalata ngacharunini nko tïlöto ilat. Kimi tawu ngacharu paytagh tatïna le mut nko odeny cho kiketam, aki mïkulis pö Tororöt choni cho le mut nko odeny.

NGONGUT 6:12

Asïwan Wawa Kech kungötiy macheyto mut nko akonga, kurïngring ngwïnya nyoman, kïwaghaka asis kïtuwit le sarankwachtin, kïwaghaka arawa kipïririt le kisön,

NGONGUT 8:3

Kungwïn malaykayan anka akughyongö tawu ato kïpelo amöros nyo kitïng töwït nyo pö watwa koltin nyo kïpelo amörostin, ketö nyinte mankoy cho chang cho kïpelöy kïlïku amörostin, atökutuyö nko sowut pö pipö Tororöt löwïr ompö parakuto watwechini pö koltin kïpelo amörostin mi tawu ngacharu paytagh.