NGONGUT 8:4 - PIPÏLIA

⁴ Kïpus ighöt yïm nyo pö körösyon nyo kimi nko sowut pö pipö Tororöt nyo kingeta ewuno malaykayantanini kighyongo tawu Tororöt.

NGONGUT 8:4 ပူးပေါင်းရင်းမြစ်များ

TUMWÖY 141:2

Nya kïlïkwï saghatenyan tïkwïn cho ngutoy cho onyïn ompö nyi, akïkarkegh ewunechan cho osyolan parak nko amöros nyo pö nangat.

WUWÖT 30:1

“Itekenyi ato kïpelo amöros nyo kïpelo tïkwïn cho ngutoy cho onyïn ompö tilok.

LUKA 1:10

Otini kipelöy Sakaria tïkuchoni, kimi pich sany kïsoghöy.

IGHISYEWUT 10:4

Kuwagh malaykayantanay kïtöngönchï akuyokyï lö, “Ne kitö nya Echotyon?” Kuyokwï malaykayantanay lö, “Kakïtach Tororöt sowutköku nko ighisyewutköku cho pö pöropchö, akakunaninyi.

NGONGUT 15:8

Kïnyïghï ighöt Kö pö Tororöt nyo kingwïn ompö ororyö nko owesyo Tororöt, akimöminye chi nyo kimï kïlït Kö pö Tororöt ntökïtenö kuwonyö kinyörilutchoni le mut nko odeny cho kipï malaykenichoni le mut nko odeny.

NGONGUT 8:3

Kungwïn malaykayan anka akughyongö tawu ato kïpelo amöros nyo kitïng töwït nyo pö watwa koltin nyo kïpelo amörostin, ketö nyinte mankoy cho chang cho kïpelöy kïlïku amörostin, atökutuyö nko sowut pö pipö Tororöt löwïr ompö parakuto watwechini pö koltin kïpelo amörostin mi tawu ngacharu paytagh.