NGONGUT 8:3 - PIPÏLIA

³ Kungwïn malaykayan anka akughyongö tawu ato kïpelo amöros nyo kitïng töwït nyo pö watwa koltin nyo kïpelo amörostin, ketö nyinte mankoy cho chang cho kïpelöy kïlïku amörostin, atökutuyö nko sowut pö pipö Tororöt löwïr ompö parakuto watwechini pö koltin kïpelo amörostin mi tawu ngacharu paytagh.

NGONGUT 8:3 ပူးပေါင်းရင်းမြစ်များ

1 PÖYTOGHÏ 7:50

nko kikompen nko makasin nko otupöy cho mïnkech nko mïkong nko kïsakeni koltin cho pïchighöch nko pateni koltin cho pïchighöch nko kukoti kö nyo pö ori, nyoni kï Wölo Tïlil Tya* nko kukotiko kot nyo pö ori nyoni kï Kö pö Tororöt.

TUMWÖY 141:2

Nya kïlïkwï saghatenyan tïkwïn cho ngutoy cho onyïn ompö nyi, akïkarkegh ewunechan cho osyolan parak nko amöros nyo pö nangat.

WUWÖT 40:26

Kutö ato kïpelo amöros nyay pö koltin Ema nyo mi ECHOTYON tawu ananka,

ISAYA 6:6

Atolapay kupilchanïn akong ompö tyonchay nyo kipoy ewunyi ngösöt nyo kichengunö wölay kïpelo amörostin.

ESEKEL 41:22

ato kïpelo amöros nyo kikigha kot nyo le miten akonga nïsï kutok kï mita akonga ompö töpesïn, kikigha ket koneni nko wölo ghyongo nko woptine löwïr, kïlenchini chichay, “Mesanï nyo mi tawu ECHOTYON.”

AMOS 9:1

Asïwan Echotyon kughyongo kamasu ato kïpelo amörostin, kïlö, “Wira pchörino Kö pö Tororöt* tökuyotyot kot, kanya kïrulchï pich mötöwöy. Owonyan pikö cho kongotï ompö chok, melö mi ompö akong nyo rïpöy.

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

KIYITUT 4:11

Yeno chane sïra nyo orus ato kïpelo amöros nyo pö koltin akuluma sïra aran atolapay kulut ketichay kïsïtoy.

LUKA 1:10

Otini kipelöy Sakaria tïkuchoni, kimi pich sany kïsoghöy.

RUMI 8:34

Mï ngo nyu nyo rwokyini chane? Puryö, ompöwölo Kristo Yeso nyo kima, atolapay kitutunö ngwen, akïmi ye ewu tagh nyo pö Tororöt. Mi nyinte ye kïsoghwecha!

EPRANIA 7:25

Kïlenyona, muköy nyinte kïsöru pich kokay cho petöy wölo mi Tororöt kuweröy nyinte ompöwölo söpöy nyinte kokay akïsoghchini chane.

EPRANIA 9:4

nyo kitïng watwa cho kikigha koltin ompö ato kïpelo köröstin akïlö Santuku Muma* nyo kikïsïlö koltin woptin löwïr. Kimi orinyi törö nyo kikitanga koltin nyo kimi omisyö nyo kikïkuro mana nko lïpö Aron nyo kisanak sökö nko keronytin cho kikikir kiyomisöt.

NGONGUT 10:1

Atolapay asïwan malaykayante anka nyo awes nyo kirökuno yïm. Kikilokyï polta nyinte akemirö kïtompïl mötïnyi. Kikarkegh tokochunyi nko asis, akilata kelyechi pchörino ma.

NGONGUT 14:18

Atolapay kungwïn malaykayante anka nyo kighyongtoy ma, kungwïna wölay kïpelo amöros akïmwochï ompö kut nyo wow malaykayantanay kitïng rotwo ilö nyo ngatip lö, “Nama rotwengu aitörunö mori sapipun cho pö ngwïny, ompöwölo kikïrïryö akwekwa!”

NGONGUT 5:8

Akwotini kimi kwighöy lenyoni, kupïtyï ngwïny tawu Wawa Kech tyonchay sötote le angwan nko poyichay le 24, akïtïng chi anka tïkwïl ompö chane pïkan nko pakuli koltin nyo kikinyïghit tïkwïn cho ngutoy nyo karam akï choni kï sowut pö pipö Tororöt.

NGONGUT 6:9

Atolapay kïngötïy Wawa Kech macheyto mut. Osöchan ngwïnyi wölay kïpelo amörostin mïkulis pö pich cho kikïpar ompöwölo kyamta chane ngölyonto Tororöt nko ompö söwintönengwa.

NGONGUT 7:2

Asïwan malaykayan anka nyo kipusuna kongasis nyo kitïng macheypa Tororöt nyo satate. Kïlenchï malaykenichay le angwan kitö Tororöt owesyö kunyar ngwïny nko nanam,

NGONGUT 8:4

Kïpus ighöt yïm nyo pö körösyon nyo kimi nko sowut pö pipö Tororöt nyo kingeta ewuno malaykayantanini kighyongo tawu Tororöt.

NGONGUT 8:5

Atolapay kïcheng malaykayantanay töwïtyonay kïpelo mankoy, akunyïghit ma ompö ato kïpelo amöros, akïwirchï ngwïny. Kwitï tïlötö nko kiteghat nko kiryal nko potanata ngwïny.

NGONGUT 9:13

Kïkut malaykayan nyo pö mut nko akonga kontinyi. Alïman kut nyo kingwïna kuyechay le angwan pö koltin pö watwa amöros ghyongo tawu Tororöt.