NGONGUT 8:13 - PIPÏLIA

¹³ Atolapay asïwan, alïman sich nyo kipilo kwenu yïm nyo kingölono kut nyo wow tya kïlentöy, “Heywey! Wechï ghöyitu ompö pich cho möngöy ngwïny ato kut malaykenichoni köngötï le sömök kontinekwa!”

NGONGUT 8:13 ပူးပေါင်းရင်းမြစ်များ

TUMWÖY 103:20

Asala ECHOTYON malayken cho owesöch, akwa cho orïpöy kirurutkachi, akwa cho olïmöy kini mwoghöy nyinte!

ESEKEL 2:10

kughïtö kitapï ompö tawunyan, kikikir mu nko patagh, kikikirchï ori ngala lok nko sönönöt nko nyörilwok.

EPRANIA 1:14

Mömïkulisnye so chane cho kikïyonï kïpöghisyechï pich cho nyoru sörunöt asïyech?

NGONGUT 11:14

Kewonyö ompö atoni nyarïlto odeny, wölo itu nyete ye lawel nyarïlto sömök!

NGONGUT 12:12

Kïlenyona, ongörekyenö nyu yïmwöy nko akwa löwïr cho omitö wöloni! Wölo ochech ompö akwa cho omöngöy nko nanam! Ompöwölo körökï Onyöto kungwïn wöloni omitekwa akïnarekate tya, ompöwölo nkït lö kikïrich kuwonyö pöroyïn nyo muköy kwigh kïgh.”

NGONGUT 14:3

Kughyongo pïchoni le 144,000 tawu ngacharu paytagh nko tyonchoni le angwan sötote nko poyichoni. Kimi pïchoni kïtumöy tum nyo rel, tum nyo kimemïnye chito anka kunet kegh kïpoto chane. Akï pïchoni opïn ompö ptangengmötin kïmïkul cho kikïsörunö ngwïny.

NGONGUT 14:6

Atolapay asïwan malaykayante anka nyo kipilöy kïmïröy poltoy akitïng Lökoy cho Karamach atökwomchï pipö ngwïny, punton löwïr nko pich lapay, kutïw löwïr nko pipö koros lapay!

NGONGUT 19:17

Atolapay asïwan malaykayan nyo kighyongo paraku asis akïkur ompö kut nyo wow mötony kïmïroy poltoy lö, “Apkana! Oghömitinö kegh akor nyo wow nyo pö Tororöt!

NGONGUT 3:10

Akwompöwölo keripönyi ngölyontenyan aimïkukön, oripinyi nyu tïkwïl ompö asispa työmut nyo ityini pipö ngwïny kïmïkul atöketyam chane löwïr.

NGONGUT 8:2

Atolapay asïwan malayken mut nko odeny kughyongo tawu Tororöt, ketö chane kontin mut nko odeny.

NGONGUT 9:1

Atolapay kïkut malaykayan nyo pö mut kontinyi. Asïwan kokelyan nyo kichïnchï ngwïny, ketö nyinte yotöwonto ngwen.

NGONGUT 9:12

Kakuwer nyarïlto tagh, wölo tökïmi kichoputkö walaka odeny cho tökïpkonöy.