NGONGUT 7:17 - PIPÏLIA

¹⁷ Ompöwölo lïku Wawa Kech nyo mi kwenu ngacharu paytagh mösöwontengwa akuntöghoghchini chane ntökwit wölo kosuno pögho söpon. Miso Tororöt lok konyikwa löwïr.”

NGONGUT 7:17 ပူးပေါင်းရင်းမြစ်များ

TUMWÖY 22:26

Omisïyi meyï akïpïghyö lasiny, pich cho pkonchini ECHOTYON kïsölöy nyinte. Nya kïnyorï chane perur kokay.

TUMWÖY 23:5

Ipöghaninyi kïsïwïyanïn pungköchan. Itochaninyi ompö konyït ainyïghitenyi mpalawunyan kuwachta.

TUMWÖY 28:9

Isörï piköku, we ECHOTYON, aisoyön pich löwïr cho le cheku. Ilïkwï mösöwontengwa aikaman chane kokay. Tum pö Daudi.

ISAYA 12:3

Orömonekwa pögho ngörekyö, kori pöghoni sörunöto ECHOTYON.

ISAYA 25:6

Ighöy ECHOTYON Kimuktoghin akor ompö yete le kutïng pö Sayon* nyo omöy puntoni ngwïny kïmïkul. Kyomöy tïkwïn cho okwoghöch nyoman, akegheghöy dipay* cho pïchighöch kïmolï.

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

ISAYA 30:19

Akwa pipö Sayon,* melö torirsokwa ngat cho omöngöy Yerusalem. Kisyonin Tororöt nyo otini korirchikwa nyinte, kïterwokwa.

ISAYA 30:25

Ato itï asisoni kirultoy nïyetko pungkökwa cho koghöch cho kïripsyegho, kuyintegha pögh champilwoy ompö kutïngkot löwïr cho echön nko cho mïnkech.

ISAYA 35:10

Mïlisyot pich kösörï ECHOTYON Sayon,* pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, ompöwölo kangeta chane nyarïl nko ngwonïn kokay.

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

ISAYA 49:9

Olenchinan pich cho le mampustin, ‘Ochikwa tyokote, opechinö kegh,’ alenchan pich cho mi tuwïn, ‘Apkana wölo mi löpoyïn!’ Nyoru omisyö ompö wölini kapa, kïrkegh kapa wölo le komos.

ISAYA 51:11

Mïlisyot pich cho kisörï ECHOTYON Sayon, pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, akïngeta chane nyarïl nko ngwonïn kokay.

ISAYA 60:20

Wonyot osisweku cho pö nyarïl. Olïkunan ante ECHOTYON töpewengu nyo pö kokay. Töpewö nyo töpo nyo kogh kïtïl asis nko arawa.

ISAYA 65:19

Ongörökan ante tya ompö Yerusalem nko pikachi. Mörumunonye rirata orinyi akï möminye chi nyo möko kingarakat chitö anka.

YEREMIA 2:13

Ompöwölo kegh piköchan ngokï kïnyïl odeny, köpïstanïn nyo ochï kompö pögho söpon atolapay kwighchï kegh kösïmöyikwa, kösïmöy cho kikïkörerisyö möroröy pögh.

YEREMIA 31:9

Mïlisyot piköchan kïlokyonu, omïtunan osoghsoghonu chane, kuweranï lalwatïn cho mi pögh. Pegho or nyo tapulul nyo puryö kïgh nyo kwötöy chane, ompöwölo ochan papoto Israel, akï poretyenyan Epraim.

ESEKEL 34:23

Atolapay otönön chane mösöwon akonga, mötworintenyan Daudi. Komönöy chane akïlïkwï mösöwontengwa.

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

MIKA 7:14

Lïkuna mösöwonto piköku, ECHOTYON nko lïkengu piköku kegh cho kikïlanyi cho möngöy opïn surkwen wölo kimi korö wölo akwagh. Nya kïpa chane kïpa chane achey wölino le Pasyan nko Kiliad le atanya le köny.

MATAYO 2:6

‘Akï nyi, Petleem nyo imi koro Yuda, mechinyinye mïnïng tya ompö kintöghoghi Yuda, ompöwölo ngwïnoninyi kintöghoghintö nyo ntöghoghchini piköchan Israel.’ ”

MATAYO 5:4

Soyönote pich cho sönöniot, ompöwölo syonchini Tororöt chane!

YOANA 10:11

“Ochan mösöwon nyo karam. Tötoy mösöwontö nyo karam söpontanyi ompö kechiryechi.

YOANA 10:14

Ochan mösöwon nyo karam, ankïtön pikachu kunkïtanïn chane

YOANA 4:10

Kïlenchï Yeso, “Ntökenkïtönyi röpöwonto Tororöt ainkïtï lö ngo nyinte nyete lenchininyi, ‘Konante pögh agha,’ kötesömenyi nyinte kïkonïn pögh cho tïng söpon.”

YOANA 4:11

Kïlenchï kokonay, “Echotyon, nyini metïngetenyinye kïgh nyo irömo pöghe akwanyï low koto pögh, isïkonyi nyu onö pögh cho tïng söpon?

YOANA 4:14

wölo anka tïkwïl nyo gheghöy pögh cho otönan kïlïku ompö orinyi kongpa pögh cho pö söpon, akutöni pöghechoni nyinte söpon pö kokay.”

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

1 PETRO 5:2

ayakwïya lasiny kechiryo Tororöt cho mi morikwa, ompö chamatenkwa kegh amelö ompöwölo mi chi nyo köyumchokwa agha lenyoni. Amagh pöghisyononi, lö tökesïkenö ropïyen wölo ompö mïkulöwunkwa kïmïkul.

NGONGUT 14:4

Pich chane cho kikïrö kegh sïmnyontöno cheporesnan, ompöwölo ki kïltïte chane. Mi chane kïrïpöy Wawa Kech wop anka tïkwïl nyo wetöy. Kikïsörunö chane kwenu ptangengmötine walaka, akï chane cho kïnyoghöy keropchini Tororöt nko Wawa Kech.

NGONGUT 21:22

Kimosöchanye Kö pö Tororöt kanasyantanoni ompöwölo nyinte Echotyon Tororöt Kimuktoghin nko Wawa Kech nyo le Kö pö Tororöt ompö kanasyantanoni.

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.

NGONGUT 21:4

Misöy nyinte Tororöt lok cho mi konyikwa akïmökïminye meghat kokay, amökïminye lok ompöwölo kama chi, anta rirat anta kichïr ompöwölo kikuwer tïkuchay pö tagh.”

NGONGUT 21:6

Akïlenchanïn, “Kikwighisyö! Ochan Alpa nko Omeka towunöt nko söröm. Otöninan chi anka tïkwïl nyo amate maral kïgheghöy pögh kwïle cho pkono kongpa pögho söpon.

NGONGUT 22:1

Atolapay kuporwanïn malaykayantanay lalwa pögho söpon, nyo kilïwï le kiyo, nyo kirotuno ngacharu paytaghpa Tororöt nko Wawa Kech.

NGONGUT 4:11

“Ichinyi Echotyontencha aichï Tororötïncha! Mïchininyi taka ororyö nko konyït nko owesyö. Ompöwölo nyi nyo kitowï tïkwïn löwïr, akïmi tïkuchoni kïsöpsot ompö machatengu.”

NGONGUT 5:6

Atolapay asïwan Wawa Kech kughyongo kwenu ngacharu paytagh nko tyonchay sötote le angwan nko poyichay. Kilata Wawa Kech nyo kikepar. Kitïng kuy mut nko odeny nko konyïn mut nko odeny, aki mïkulis pö Tororöt cho le mut nko odeny, cho kikïyonta kïpa ngwïny kïmïkul.