NGONGUT 6:8 - PIPÏLIA

⁸ Asïwan, kungwïn angole nyo tolelyo, nyo kikötöy chi nyo kikuro kaynenyi Meghat, akimi ngwen kïrïpu lötunyi. Kikitö chane owesyö kïpayta kareran akonga ompö angwan nyo pö ngwïny tökïpara pich chok nko kömöy nko sömewut nko tïpö wudïn.

NGONGUT 6:8 ပူးပေါင်းရင်းမြစ်များ

NGÖTÏNYÖ 5:5

Ryöghchini kelyechi meghat, petöy kelyechi kirïpöy or nyo wetöy ngwen.

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

YEREMIA 14:12

Kïrkegh kïkïrur, moterchinanye sowutkökwa akï kirkegh kïpelwanïn amörostin anta ipkanïn ropöwo pagh, motokanye kokay. Wölo owongan chane ompö ngot nko kömöy nko sömew.”

YEREMIA 16:16

Lentöy ECHOTYON, “Arose! Kokurön nömï cho chang kïpka kïnam pïchete le nömi kaghagh. Atolapay okurön sökosï cho chang kïsakas chane ompö kutïngkot nko komos nko ghatoy nko köpönot.

YEREMIA 16:4

Pöröy chane sömewo akï puryö nyo ngwïnöy kïloköy ompö meghengwa anta nyo tïpöy chane. Köposisyegho porwöyikwa ngwïny le pures. Wongöy chane ngot nko kömöy akïlïkwï porwöyikwa omisyo törit nko tïpö wudïn.

YEREMIA 24:10

Atolapay otyorchan chane ngot nko kömöy nko korononi kyotönön papotïnekwa.”

YEREMIA 29:17

Lentöy ECHOTYON Kimuktoghin, ‘Opchinan chane ngot nko kömöy nko sömew. Oghan chane kïkarkegh nko akwa makany cho kisïnö cho memukönye chi kwam.

YEREMIA 43:11

Ngwïnöy kïtïpöy koro Misri kuwonyo lömïs. Wongöy sömewö chona kikemwa lö wonyegho sömew, kerang le ratan chona kikemwa lö kïrongöy le ratan akepar chona kikemwa lö wonyegho ngot.

ESEKEL 29:5

Atolapay owirchinyi surkwen nko kaghagh cho kömi pögh idongönyi nyu tononi, ipöyitunyi tyonkïn cho pö wuw nko törit, kyotötinyi le omisyengwa.

ESEKEL 5:12

Owonyokwa cho le kareran akonga ompö amal nko ompö kikar, kuwany chok kareranta anka nyo pö sömök. Atolapay otoytoyan kareranta anka nyo pö sömök kïmï ngwïny kïmïkul orupan chane chok.

OSEA 13:14

Oghetunonan chane owesyo ngwen, asörunan chane meghat. Mi onö ngwonengu nya we meghat? Akï mi onö kiwuratengu nya we ngwen? Melö totïngetan kisyonchin ompö akwa nyonikïny.

APAKUK 2:5

“Lïsöy pich sïkönöt memungöcha pich cho nisonchot opoghöch le ngwen akïlata chane meghat nyo melö pïghyongöy. Nka nyoni ghömïtyini kegh puntoni ngwïny kïlïkwï pikökwa kegh.”

SAKARIA 6:3

Kichutöy cho relach nkari nyo pö sömök, kuchut cho tolelos nkari nyo pö angwan.

MATAYO 11:23

Kïkany nyi, Kapernaum! Kemachanyi so syolö kegh ntet yïm? Kirekunyi ntetanyi ngwen! Ompöwölo ntökikigha töngönchintinechoni kikigheninyi Sodoma, kitötökïmi nko nyete le ye!

MATAYO 24:7

Ompöwölo setyini kegh puntonï akïporyö pöytoghi pöyunöt anka nko pöyunöt anka. Itu kömeywok nko potanata ngwïny ompö woptin löwïr.

1 KORINTO 15:55

“Mi onö rïntaghtangu nya meghat? Akïmi onö owesyengu nyo pö ngwonïn nya meghat?”

NGONGUT 1:18

Ochan nyinte nyo satate! Kikyameghan, wölo ochan ye satate kokay nko kokay. Otïngetan owesyö ompö meghat nko ngwen.

NGONGUT 12:4

Kuchutö töronkwenyi kareran akonga ompö sömök nyo pö kokel cho kimi yïm akutyorchï ngwïny. Kughyongö tawu kokononi kimököy kïlusïyi atökwam montö panini lawel kakïyi.

NGONGUT 9:15

Ketyak malaykenichay le angwan cho kikitö kïtïpï kïpsach sayanini ompö asisini arawanini nko könyinini atökïpar chane kareran akonga nyo pö sömök nyo pö pich.

NGONGUT 9:18

Kïpar nyörilwokchoni le sömök kareran akonga ompö sömök nyo pö pich cho mi ngwïny. Nyörilwokchoni kï mayoni nko ighe nko salpa cho kipkono kutïweko angoletinechoni,