NGONGUT 6:2 - PIPÏLIA

² Asïwan angole nyo rel, nyo kikötöy chi nyo kïtïng kïwang, ketö nyinte tenta kulach. Kïweghö angolenoni le chi nyo kikupölisyö akïmi kupölisïyi.

NGONGUT 6:2 ပူးပေါင်းရင်းမြစ်များ

TUMWÖY 110:2

Ighöy ECHOTYON paytaghtangu kunenara Sayon.* Ipöytonenyi ntepayta ompö chini le punköku lapay!

TUMWÖY 76:7

Nyi onkït, we ECHOTYON nyo kiwöghöy, möminye chi nyo ghyongo tawungu otini kenyalenyi.

TUMWÖY 98:1

Otumchinö ECHOTYON tum nyo tökïrel, ompöwölo kegh nyinte ngala töngönchin! Karïnta nyinte ompö ewunyi tagh akïlotisyö ompö owesyenyi nyo wow.

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

SAKARIA 1:8

Kyasïwan oghö chi nyo weghoy angole nyo pïrir! Kighyongoy kwenu kapïrïmen ompö mpöghogh. Kimi angoletinö walaka cho pïröch nko mïkenöch nko cho relach cho kighyongo lötunyi.

MATAYO 28:18

Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny.

1 KORINTO 15:25

Ompöwölo pöytoy Kristo lenyini tökïtenö kïrïnta Tororöt pungkachi löwïr akutö chane ngwïnyito kelyechi.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

NGONGUT 11:18

Kinörekyö pipö punton kumes, Wölo kikwitïta asisto sïngiryengu, akwitïta asis nyo kirwokyini pich cho kimeghö. Kitïta tïkwïl ato iropchinenyi tïkwïn mötworiku ompö werkoy nko pich löwïr cho kikïlanyi nko lapay cho konyïtöy kaynengu, kö echön anta kö mïnkech. Ketïta ato kinyoröy pich cho nyoröy ngwïny!”

NGONGUT 14:14

Atolapay asïwan lö kimi polta nyo rel atoni. Kitöpo kïgh poltononi nyo lata ptangengmöt nyo kitïng tenta koltin ompö mötïnyi nko rotwö nyo ngatip nyo kilo pagh ompö ewunyi.

NGONGUT 15:2

Atolapay asïwan kïgh nyo lata nanampa kiyo nyo kikikulkulyö nko ma. Asïwan tïkwïl pïchanya kirïnta tyonyanye nko körkeyïntanyi akï nyo kikïmwowunö kaynenyi ompö nampa. Kighyongo pïchoni nanampa kiyo akinömöy pïkantis cho kitö Tororöt.

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

NGONGUT 19:14

Kirïp nyinte lïkos pö yïm cho kipegho angoletin cho relach akuloköy sïro pö katani cho karamach cho relach löka akï cho tïlilöch.

NGONGUT 3:21

Otöninan chi cho rïntoy kimukat kïtöpö nko ani ngacharenyan nyo pö paytagh, le wölo karïntan, atöpan nko paponyan ngacharunyi nyo pö paytagh.

NGONGUT 9:7

Kilenye talamchoni angoletin cho kimi kïpsach kïpa lïk. Kitïng tïkwïn cho kimi mötöwekwa cho, kï kilata tenteni koltin, akikarkegh tokochwekwa nko tokochwo pich.