NGONGUT 6:12 - PIPÏLIA

¹² Asïwan Wawa Kech kungötiy macheyto mut nko akonga, kurïngring ngwïnya nyoman, kïwaghaka asis kïtuwit le sarankwachtin, kïwaghaka arawa kipïririt le kisön,

NGONGUT 6:12 ပူးပေါင်းရင်းမြစ်များ

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

ISAYA 29:6

Sörunyi ECHOTYON Kimuktoghin ompö tïlöto ilat nko potanata ngwïny nko chöghöt nyo wow nko chepkiriri nko lyopöto ma nyo wuröy kor.

ISAYA 34:4

Kiwuröy asis nko arawa nko kokel kïlïku terïtyon. Pertoy yïmö le kartasïyan nyo kakïmaman, törengu kokel le sökö cho chïnuno ket pö sapipïyon anta nyo pö moköngwö.

ISAYA 50:3

Omukan owöghököy wölnö le mïröt kïtuwit, alokyï sarankwachtin le ato kïriröy chi nyo kama.”

YOEL 2:10

Körtoy asis nko arawa melïwï akïlö kokel tïrmïs.

YOEL 3:15

Wengöy asis nko arawa kïtuwöchitu, akumis löpoyïn pö kokel.

AMOS 1:1

Ngalana Amos chï nyo kile akonga ompö mösöw cho pö Tekoa, cho kimwa könyis odeny akwompö koro Israel ato kipoytoy Usia Yuda, kipöytoy Yeropoam wero Yeoas Israel kïtomö korïngring.

AMOS 8:9

Lentöy Echotyon TORORÖT ompö asisoni, “Oghan asis kïröytö nyini keghyö akïtuwit korö nyini le pöghet kwen.

SAKARIA 14:5

Oryöghekwa oweröy mpöghoghyonï köreröy kutïng pö ECHOTYON. Oryöghekwa le papotïnekwa ato kichïwïtyeghö korïngring osiswo pöytoghin Usia nyo pö Yuda. Atolapay kuchumï ECHOTYON, Tororötïnyan nko pich löwïr cho tïlilöch.

MATAYO 11:21

Kilenchï, “Heywey we, Korasin! Heywey ompö nyi Petsayda tïkwïl! Ompöwölo ntökikigha Tiro nko Sidon töngönchintin cho kikighwekwa, kitö kikïkötö köny chane akulach sarankwachtin akuchukö kegh aren.

MATAYO 24:29

“Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm.

MATAYO 24:7

Ompöwölo setyini kegh puntonï akïporyö pöytoghi pöyunöt anka nko pöyunöt anka. Itu kömeywok nko potanata ngwïny ompö woptin löwïr.

MATAYO 27:45

Nyini kighyö asis kulum tuwïn kor kïmïkul, ntökïtenö kwitïta satïn mut nko angwan.

MATAYO 27:54

Otini kisïwa wowïn pö askarin nko pich cho kimi nko nyinte kïripöy Yeso wölo kirïngringtö ngwïnya nko ngalechini kighisyö, kuwöghisyö nyoman akïlö, “Kïlechï Wero Tororöt chichï nyoman!”

MATAYO 28:2

Kurïngring ngwïnya ompö owesyö, kïrökunö malaykayanta Echotyon yïm, kïyumtö koghay akumpur parak.

MARKO 15:33

Otini kighyö asis kulum tuwïn kore kïmïkul, kïtuwit satïn sömök.

NGONGUT 11:13

Otini lawel, kurïngring ngwïnya tya nyo kiwur kareran akonga ompö taman nyo pö kanasyantanoni. Kimeghö pich cho le 7,000 ompö korïngringoni pö ngwïny. Kuwöghisyö pikö chinö köngötï tya akïsal Tororöt kïlentöy, “Wow kïtya owesyengu we Tororöt nyo imi yïm!”

NGONGUT 16:18

Kuchumu kiryaltina nko chöghöt nko tïlöto ilot nko kirïngringöto ngwïny nyo pö otyogh. Kitomönye kelïm kirïngringöto ngwïny nyo lata nyoni kïngeta otini kigh Tororöt ptangengmöt. Nyoni nyo kigha kïsir!

NGONGUT 16:8

Atolapay kïmïlchï malaykayanteto angwan tïkwïn cho kimi pakulinyi paraku asis, kechömchï kïpela pich manyi nyo ngwan lakat.

NGONGUT 8:12

Atolapay kïkut malaykayan nyo pö angwan kontinyi. Kïma kareranpa sömök nyo pö asis nko kareranpa sömök nyo pö arawa nko kareranpa sömök nyo pö kokel, kipot nyu kareranpa sömök nyo pö löpoyïntöngwa. Kimöminye löpoyïn asisto sömök nko ogheto sömök tïkwïl.

NGONGUT 8:5

Atolapay kïcheng malaykayantanay töwïtyonay kïpelo mankoy, akunyïghit ma ompö ato kïpelo amöros, akïwirchï ngwïny. Kwitï tïlötö nko kiteghat nko kiryal nko potanata ngwïny.