NGONGUT 5:9 - PIPÏLIA

⁹ Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.

NGONGUT 5:9 ပူးပေါင်းရင်းမြစ်များ

TUMWÖY 144:9

Otumunyi tum nyo rel, we Tororöt, otumunyi sölut ompö pïkan.

TUMWÖY 149:1

Asala ECHOTYON! Otumchinö nyinte tum nyo tökïrel asalena nyinte tuyo pikachi cho ghönote!

TUMWÖY 33:3

Otumchinö nyinte tum nyo rel, opïtö pïkantis lasiny ateghyö ompö ngörekyö.

TUMWÖY 40:3

Kinetanïn tum nyo rel, tum nyo sölöy Tororötïncha. Lïmöy cho chang tumoni akïmïghyö akukön ECHOTYON.

TUMWÖY 96:1

Otumchinö ECHOTYON tum nyo tökïrel! Otumchinö ECHOTYON pipö ngwïny kïmïkul!

TUMWÖY 98:1

Otumchinö ECHOTYON tum nyo tökïrel, ompöwölo kegh nyinte ngala töngönchin! Karïnta nyinte ompö ewunyi tagh akïlotisyö ompö owesyenyi nyo wow.

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

DANIEL 3:4

kuta chi ompö kut nyo wow nyo kimwotïtoy ngal lö, “Kakïmwowekwa, we pipö punton löwïr nko pich walaka cho pö kutïw cho sis lö,

DANIEL 4:1

Kuyoktö Nepukadnesa ngalechï kïghomï pipö punton löwïr nko kutïw ompö ngwïny kïmïkul, “Pöghisyö akwa!

DANIEL 5:19

Kiwagh pich löwïr nko pipö punton nko kutïw nyinte ompöwölo kimuköy kïtïgh nyo nyo kömökö kïtïghöy, kusop nyo kömököy kesopöy. Akï nyo kimököy kutotegha anta kuaptegha, kï kimuköy kwigh lenyini kacham.

DANIEL 6:25

Kukirchï nyu Daryas pich löwïr cho kimöngöy ngwïny kïlenchï, “Pöghisyö akwa!

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

1 KORINTO 6:20

Kikyalenakwa olyot nyo wow. Kïlenyona, opöghisyeghenö porwöyikwo ompö salata Tororöt.

1 KORINTO 7:23

Kikyalakwa ompö olyot nyo wow. Malïkune nyu sekeyi pich.

EPESO 1:7

Ompöwölo kïtïngetecha sörunöt ompö megha Kristo, akikengongoghta ngokicho kïle wölo lata wowïnto pöropchenyi,

EPESO 5:19

Otinö ongölonchinekwa kegh opöghisyeghö ngala sölut nko tumwöy nko tumwöyi mïkulögh. Otumchinö Echotyon tum nyo rïröy ompö mïkuliskökwo.

KOLOSAY 1:14

Akwompö nyinte kiketyakecha ompöwölo kikelöstowecha ngokicho.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

EPRANIA 11:14

Ompöwölo poru kïrumï pich cho mwoghöy ngal cho lata choni lö mi chane kïyöröy kor nyo le nyingwa kegh.

2 PETRO 2:1

Kïle wölo kichumuna kwenu pich werkoyi putintön ompö osis cho kikuwer, kuchumu lenyoni tïkwïl koneti putintön kwenunkwa. Lepu chane kinetut cho wuröy pich, akï pö putintön, akïtagh Echotyon nyo kisörï chane. Akwompö aranoni kwipchï kegh kiwurat nyo chumchini lö tursïs.

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

1 YOANA 2:2

Akï nyinte kï tïsöwon nyo pö ngokicha, amelö tïsöwonto ngokicha opïn, wölo cho pö pich lapay.

NGONGUT 10:11

Atolapay kelenchanïn, “Mïchininyi ngat omchinö pich lö ne nyo kitötyï Tororöt pipö koros cho chang cho ngölonöy kutïw cho sisinchö nko pöytoghï lapay.”

NGONGUT 11:9

Pkono pich koros löwïr nko ortïn löwïr nko puntoni nko kutïw löwïr, pkonöy kurosöy mïntïruchoni ompö osis sömök nko nïsï amelö chömchini ketïp.

NGONGUT 13:7

Kechömchï tyonyay kïporyeghö pipö Tororöt ntökïrïnta aketö owesyö kïpöyï pipö puntoni ngwïny löwïr nko ortïn nko kutïwa pich löwïr.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 14:6

Atolapay asïwan malaykayante anka nyo kipilöy kïmïröy poltoy akitïng Lökoy cho Karamach atökwomchï pipö ngwïny, punton löwïr nko pich lapay, kutïw löwïr nko pipö koros lapay!

NGONGUT 15:3

Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!

NGONGUT 17:15

Atolapay kïlenchanïn malaykayantanay, “Pöghechanye kisöchinyi atanye kitöpo chepores, kï söpïchis pö pipö koros löwïr nko punton löwïr nko kutïw löwïr.

NGONGUT 4:11

“Ichinyi Echotyontencha aichï Tororötïncha! Mïchininyi taka ororyö nko konyït nko owesyö. Ompöwölo nyi nyo kitowï tïkwïn löwïr, akïmi tïkuchoni kïsöpsot ompö machatengu.”

NGONGUT 5:12

kïtum ompö kut nyo wow lö “Mïchini Wawa Kech nyo kikïpar kïsïch owesyö nko sïkönöt nko ngöghomnyö nko kimukat nko konyït nko ororyö nko salat!”

NGONGUT 5:6

Atolapay asïwan Wawa Kech kughyongo kwenu ngacharu paytagh nko tyonchay sötote le angwan nko poyichay. Kilata Wawa Kech nyo kikepar. Kitïng kuy mut nko odeny nko konyïn mut nko odeny, aki mïkulis pö Tororöt cho le mut nko odeny, cho kikïyonta kïpa ngwïny kïmïkul.