NGONGUT 5:5 - PIPÏLIA

⁵ Atolapay kïlenchanïn akong ompö poyichay, “Meloköy. Rosa! Kikïrïnta Ngötïny pö ara Yuda, kuköto Daudi, nyinte nyo muköy kïngötïyöy möcheywechay le mut nko odeny akïngany kitapunoni.”

NGONGUT 5:5 ပူးပေါင်းရင်းမြစ်များ

1 PÖYTOGHÏ 10:20

Kitöpunö körkeyïn pö kirïk pataghuto ngacharunoni pö paytagh, akïtöpö körkeyïn pö ngötïny ewunechi kwodeny. Melö mi ngacharu paytagh nyo lata nyoni nyo kikesïwechï ompö paytagh anka tïkwïl.

2 OTÖPTINO OSIS 9:18

Kikighchï ngacharunoni koghïn cho le kïlontegho cho mut nko akonga nko ngacharu anka nyo kikönoghöy kelyon nyo kikigha koltin, nyo kikinomnyö nko ngacharu paytagh, kikighchï ngacharunoni onkunini nko onkunini wölo kikönoghöy ewun, akeghchï ngötuny odeny ompö patawu atoni kikönoghöy ewun.

AYUPU 41:15

Kikighchï patawunyi per cho töpölol cho kïnomnyö kïyam le kogh.

ISAYA 11:1

Kïlenyona, pituno sanakana ghït pö Yese, akuyinu akwa morïna nyo ngwïno ighinkachi.

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

YEREMIA 31:16

Sisa amerire ngat, misa lokeku ompöwölo mepotönye ighisyengu, inyorunenyi ropöwon. Mwoghöy ECHOTYON. Mïlisyegho monekwa koro pung.

DANIEL 7:16

Owan wölo mi akong ompö malayken cho kighyongo atoni, atolapay atepan nyinte kïngongwanïn kiporunöto ngalechoni löwïr. Kïlenyona, kïngongwanïn lö,

KIYITUT 24:9

Kirï kulïpesa le ngötïny akï lata ngötïny nyo tïng wara, ngo nyo otyegho? Soyönote chi nyo soyönöy pipö Israel kï chïpote chi nyo chïpöy chane.”

LUKA 23:28

Kïwaghaka Yeso akuros chane atolapay kïlö, “Koruchï pö Yerusalem molokyinanïn, wölo olokyinö kegh nko monekwo ompö nyarïl nyo ngwïnchinokwa.

LUKA 7:13

Kikany kïsïwa Echotyon kokonay kusyonchï, akïlenchï, “Meriröy.”

LUKA 8:52

Kilokyot akïrirsot pich akwompö chepay wölo kïlenchï Yeso chane, “Morirsot, tomönye kïma monïngï mi rïwön!”

YOANA 20:13

Kïtep malaykenichoni nyinte lö, “Ilochonyi ne nya we yo?” Kuyokyï lö, “Kösït pich Echotyontenyan, amonkïtönye wölini ketö chane!”

RUMI 1:3

Ngölono Loköyechï Wero Tororöt akï Echotyontenyo Yeso Kristo nyo kikïyï ompö ara Daudi.

RUMI 15:12

Akïlö Isaya ngat, “Chumu chi asïyech nyo pö ara Yese akï nyinte nyo pöytoy asïyech pipö punton, akï chichoni nyo könöy asïyech puntonï.”

EPRANIA 7:14

Nkïtote lasiny lö kiyiyï nyinte pipö lilo Yuda akimöngalananye Musa lilononi otini kingölono pich cho le tïsï.

NGONGUT 1:1

Achï ngal cho kingongï Yeso Kristo,* cho kitö Tororöt nyinte tökuporchï mötworichi ngal cho ighisyot ato lekït nyo mötïny. Kiyonï Kristo malaykayantenyi atökuporchï mötworintenyi Yoana ngalechoni,

NGONGUT 22:16

“Ani Yeso nyo koyonï malaykayantenyu kungwïn kïmwochï kanisen ngalechï. Opoyan ara Daudi. Ochan tapogh nyo lïwu kiwasan.”

NGONGUT 3:21

Otöninan chi cho rïntoy kimukat kïtöpö nko ani ngacharenyan nyo pö paytagh, le wölo karïntan, atöpan nko paponyan ngacharunyi nyo pö paytagh.

NGONGUT 4:10

kupïtyï poyichay le 24 tawu nyinte nyini töpo ngacharu paytagh akïkïtïngchï nyinte nyini satate kokay nko kokay akïngwïsyï tentenikwa ngwïny tawu ngacharu paytagh akïlö:

NGONGUT 4:4

Kimi nyu ngöcherwö walaka cho pö paytagh cho le 24 cho kiwit ngacharu paytagh, cho kitïpïyot poyï cho le 24 cho kiloköy sïro cho relach tenteni koltin.

NGONGUT 5:4

Alokan nyoman osyonchï kegh ompöwölo ki puryö chi nyo kirumï nyo kimïchini kïyat kitapunay anta ros orinyi.

NGONGUT 6:1

Atolapay asïwan Wawa Kech ato ngötiyöy akonga ompö möcheywechini kikïngos le mut nko odeny, alïman akonga ompö tyonchay sötote le angwan kïlentöy ompö kut nyo karkegh nko tïlöto ilat, “Nyonö!”

NGONGUT 7:13

Kïtepanïn akong ompö poyichay lö, “Ngo chï kikilokyï sïro cho koghöch cho relach, akïpkono onö?”