NGONGUT 5:13 - PIPÏLIA

¹³ Alïman kïgh anka tïkwïl nyo kikigh nyo mi yïm nko ngwïny nko nyo mi ngwïnyi ngwïny nko nyo mi nanam nko tïkwïn löwïr cho mi oringwa kïtumöy lö, “Nya kïsïch nyinte nyo töpo ngacharu paytagh nko Wawa Kech kisoyönöt nko konyït nko ororyö nko owesyö kokay nko kokay!”

NGONGUT 5:13 ပူးပေါင်းရင်းမြစ်များ

1 OTÖPTINO OSIS 29:11

Ichinyi wow aitïngönyi owesyö nko ororyö nko rïntagh nko kimuytaghat. Tïkwïn cho mi yïm nko ngwïny kï cheku aichinyi pöytoghin iminyi paraku tïkwïn löwïr.

ISAYA 24:14

Tumöy pïchoni köngotï ompö ngörekyö. Mwotïtoy cho mi okumpö ta wölo wow ECHOTYON kïlïkwï, teghyegho chane wölini le nanam,

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

MATAYO 6:13

Amemïtyecha wölo mi tyamata, wölo isörunenech Onyöt.’

LUKA 2:14

“Nya kwororit Tororöt nyo mi wölo töror tya, akïsïch ngwïnya kalya nyo pö pich cho le chamankachi.”

YOANA 1:29

Kisïwa Yoana Yeso asista nyo kirïpöy kungwïnöy wölini kimi nyinte, kïmwochï pich lö, “Anyï Wawa Kecha Tororöt nyo ipöy ngokï ngwïny!

RUMI 11:36

Ompöwölo pkono tïkwïn tïkwïl wölo mi nyinte akïmi tïkuchoni löwïr ompö owesyenyi akwompö parakunyi. Nya kïsïch Tororöt ororyö kokay! Amen.*

RUMI 16:27

Nya kïpöyit ororyö Tororöt kokay nko kokay, nyinte onkït nyo pköchini kïgh anka tïkwïl, ompö Yeso Kristo. Amen.

RUMI 9:5

Kipkana chane ara pipö Eprania cho tokunote. Akungwïna Kristo pichoni ompö ara por. Nya kïsala Tororöt nyo pöyu tïkwïn löwïr kokay. Amen.*

EPESO 3:21

Nya kïsïch Tororöt ororyö ompö kanisa nko ompö Kristo Yeso osis löwïr, kokay nko kokay! Amen.*

PILIPI 2:10

Atökïlïkwï nyo kïtïngöy anka tïkwïl ompö kaynata Yeso, tïkwïn löwïr cho mi yïm nko ngwïny nko ngwïny ori

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

1 TIMOTEO 4:16

Irip kegh airip kinetatengu ailet tagh igh tïkuchoni. Ompöwölo ato ighanyi lenyoni, isörunenyi kegh nko pich cho lïmöy ngaleku.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.

1 PETRO 5:11

Nya kïsïch nyinte owesyö kokay! Amen.

NGONGUT 1:6

akwighecha kelïkuna tïsï cho pöghisyechini Paponyi Tororöt. Nya nyu kïpöyit ororyö Yeso Kristo nko owesyö, kokay nko kokay! Amen.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 5:1

Atolapay asïwan ompö ewu tagh nyo pö nyinte nyini kitöpo ngacharu paytagh kitapï nyo kikikir ori nko sany akekara möchey mut nko odeny.

NGONGUT 5:12

kïtum ompö kut nyo wow lö “Mïchini Wawa Kech nyo kikïpar kïsïch owesyö nko sïkönöt nko ngöghomnyö nko kimukat nko konyït nko ororyö nko salat!”

NGONGUT 5:3

Wölo kimöminye chi ompö akong wölini le yïm anta ngwïny anta ngwen nyo kimuch ntökïyat kitapunay anta ros orinyi.

NGONGUT 5:6

Atolapay asïwan Wawa Kech kughyongo kwenu ngacharu paytagh nko tyonchay sötote le angwan nko poyichay. Kilata Wawa Kech nyo kikepar. Kitïng kuy mut nko odeny nko konyïn mut nko odeny, aki mïkulis pö Tororöt cho le mut nko odeny, cho kikïyonta kïpa ngwïny kïmïkul.

NGONGUT 5:9

Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.

NGONGUT 6:16

Atolapay kïlenchï kutïngkotichay nko koghi, “Orulchecha, atawïnyenecha konyi chichinö töpo ngacharu paytagh nko nörekyo Wawa Kech!