NGONGUT 4:5 - PIPÏLIA

⁵ Kungwïna kiryalata ngacharunini nko tïlöto ilat. Kimi tawu ngacharu paytagh tatïna le mut nko odeny cho kiketam, aki mïkulis pö Tororöt choni cho le mut nko odeny.

NGONGUT 4:5 ပူးပေါင်းရင်းမြစ်များ

TOWUNÖT 15:7

Atolapay kïlenchï Apram, “Ochan ECHOTYON nyo kyamïtuneninyi Ur nyo pö Papilonia atokoninyi koronete atemïla.”

2 OTÖPTINO OSIS 4:20

Kigha koltin kelyeto orïmonay kisoch taman cho kinoghöy tökïlöpochï Wölo Tïlil Tya* le otini kikïmwa.

TUMWÖY 68:35

Pö Tororöt otyogh kïtya otini ngwïno möngenyi, Tororöt pö Israel nyinte! Töni pikachi owesyö nko kimukat. Sala Tororöt! Ompö kintöghoghinto tumï. Kïrïp kegh nko tum pö tapïkoy. Tum pö Daudi.

WUWÖT 19:16

Kimito kutïng tïlötö nko kiryalat tökwoghö ompö asispa sömök, akulum polta nyo tuw nko chöghöto kontï nyo kichögh tya. Kïpotan chi anka tïkwïl nyo kimi möngot.

WUWÖT 20:18

Nyini kilïm pich tïlöt nko chöghöto kontï akïsïwa kiryalat nko kutïng nyo ighönöy, kipotonchö pich akïmïghyö. Kïtïpïyö ato low.

WUWÖT 25:37

Igh kitömöw cho le mut nko odeny ainagh, atökïlöpochï okumpö tagh.

WUWÖT 37:23

Kwigh kitömöw cho le mut nko odeny nko kitampine nko otupeni koltin cho pïchighöch.

ESEKEL 1:13

Kimi kïgh kwenu tyonchoni nyo kinoghöy lötonkor le tochtin cho pestoy. Kiryölsot le ilat.

YOEL 3:16

Akïtïlö ECHOTYON Sayon* akïngalan nyoman kelïma Yerusalem kutimtimö yïmö nko ngwïny.

SAKARIA 4:2

akïtepanïn lö, “Isïwïyenyi ne?” Olenchan, “Osïwïyan kikönöwonto ta nyo pö koltin nyo mi pakuli mwagh parakunyi nko tatïn mut nko odeny. Tïngeto ta anka tïkwïl konyïn mut nko odeny cho kilutöy kitampin.

MATAYO 25:1

“Kikongityot nyu Pöyunöto Yïm nko tipïn taman cho kip tatïnekwa akïpa kïtaroch chi pö kensyö.

MATAYO 3:11

Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi.

IGHISYEWUT 2:3

Atolapay kuchumï tïkwïn cho lata lyopötino ma, akïrökyï chi anka tïkwïl ompö chane.

NGONGUT 1:4

Ani Yoana nyo kokirchï palalyantanï kanisen mut nko odeny cho mi koro Esya. Nya kïtöpö pöropchö nko akwa nko kalya nyo ngwïno Tororöt nyo mi akï nyo kimi akï nyo tökungwïnöy nko cho pkono wölo mi mïkulis cho le mut nko odeny cho mi tawu ngacharunyi pö paytagh,

NGONGUT 10:3

atolapay kïkursyö ompö kut nyo wow nyo kilata tïlöto ngötïny. Kikany otini kimi kïkursïyi, kïtïl yïmö kïnyïl mut nko odeny pö nyo wow ompö ngitönö.

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

NGONGUT 3:1

“Kirchinö malaykayanta kanisa Sardis lö, ‘Anyï ngölyon nyo ngwïno wölo mi nyinte nyini tïng mïkulis pö Tororöt mut nko odeny nko kokelye mut nko odeny. Onkïtön ighisyewutköku ankïtön lö kïlentöy techinyi satate kite, wölo kïchï kimeghanyi köny.

NGONGUT 5:6

Atolapay asïwan Wawa Kech kughyongo kwenu ngacharu paytagh nko tyonchay sötote le angwan nko poyichay. Kilata Wawa Kech nyo kikepar. Kitïng kuy mut nko odeny nko konyïn mut nko odeny, aki mïkulis pö Tororöt cho le mut nko odeny, cho kikïyonta kïpa ngwïny kïmïkul.

NGONGUT 8:5

Atolapay kïcheng malaykayantanay töwïtyonay kïpelo mankoy, akunyïghit ma ompö ato kïpelo amöros, akïwirchï ngwïny. Kwitï tïlötö nko kiteghat nko kiryal nko potanata ngwïny.