NGONGUT 3:5 - PIPÏLIA

⁵ Kilokyini pich sïro cho relach asïyech cho rïntoy amelö ongongoghtenan kaynötutkökwa ompö kitapu pich cho sötote. Omwotïtonan ompö tawu Paponyan nko ompö malaykenichi lö piköchan chane.

NGONGUT 3:5 ပူးပေါင်းရင်းမြစ်များ

TUMWÖY 109:13

Nya kïmis meghat monechi lökïr akewutyeghö kaynatenyi ompö pïnta nyona.

TUMWÖY 69:28

Ingongoghta kaynötutkökwa ompö kitapu pich cho söpsot amekany kekir chane nko pipö man.

MALAKI 3:17

Mwoghöy nyu ECHOTYON Kimuktoghin lö, “Lïku chane piköchan. Lïku pich cho kokïlchan kegh ompö asisoni kamwaghan lö owetöy oghöy kïgh. Osyonchinan chane le wölo syonchini papo werïnyi nyo pöghisyechini nyinte.

MATAYO 10:32

“Chi anka tïkwïl nyo portonanïn ompö tawu pich, oportonan nyinte tïkwïl lenyoni ompö tawuto Paponyan nyo mi yïm.

LUKA 10:20

Wölo mongörekyö, pat lö köterwech oy, wölo ongörökyenö ompöwölo kikekir kaynötutkökwa ompö yïm.”

LUKA 12:8

“Amwowokwa lö, chi anka tïkwïl nyo mwochini pich lö kikughananïn nyinte, omwotïtonan lö nyinyan nyinte ompö tawu malaykeni Tororöt.

KINONO KIRURUT 9:14

Pïswanïn awany chane, atökupot kaynatengwa ompö ngwïny, ataghinyi lïkuna pipö punton akonga nyo wow kïsir chane.’

PILIPI 4:3

Osominyi tïkwïl, kongenyu nyo ichï ghanate, lö ngaraka koruchoni, ompöwölo kinoghyö chane nko ani ompö amtaghata Lökoy cho Karamach nko Klemen nko pich lapay cho kikinoghyecha tïkwïl, pich cho kirote kaynötutkökwa kitapu söpon.

YUDA 1:24

Nya kïsïch Tororöt ororyö, nyinte nyo muköy kïripokwa tömopïtyö, akumïtakwa ape tawuto ororyenyi ompö ngörekyö kïpuryö lelut, nyinte nyo le Tororöt onkït akï Ghetintenyo ompö Yeso Kristo Echotyontenyo. Nyenyi wowïn nko owesyö nko paytagh kïngeta könyisyok nko ye nko kokay! Amen.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 17:8

Ki söpote osiswe walaka tyonyoni kesïwenyi, wölo melö tökïsöpote ye. Karich ye kïngetunö nyinte ngwen atökenyar. Töngönyöy pich cho möngöy ngwïny cho tomöcha kekirchï kaynötutkökwa kitapu söpon kïngeta otini le towunöto ngwïny töngönyöy chane ato sïwa tyonyoni ki söpöy osiswe walaka akïma, akwanyï ye söpöy ngat!

NGONGUT 19:8

Kikïchömchï Tororöt mïraranoni kulach sïra katani nyo pïchigh nyo kwerkweröy.” (Sïranoni pö katani pïchigh kuporu ighisyewut cho karamach cho kighöy pö pipö Tororöt.)

NGONGUT 2:11

Ato itïng chi yitïn, ilïm ngal cho mwochini Mïkulögh kanisen! Melö nyoru ngwonïn pö megha odeny pich cho rïntoghisïyi.’

NGONGUT 2:7

“ ‘Ato itïng chi yitïn, ilïm ngal cho mwochini Mïkulögh kanisen! Otöninan nyinte nyo rïntoy kwam okinto ket pö söpon nyo mi ka Tororöt.’

NGONGUT 20:12

Atolapay asïwan pich cho kikikïmeghö, cho echön nko cho mïnkech kughyongo tawu ngacharu paytagh. Atoni nyu keyat kitapun. Atolapay keyat kitapu anka, nyoni kï kitapu söpon. Kerwokyï chane kïrïp kegh nko tïkwïn cho kigh chane le wölini kikikirta ompö kitapunechoni.

NGONGUT 20:15

Kikïwirchï nanamoni pö ma chi anka tïkwïl nyo kimelö kikïsöchï kaynenyi kukirate ompö kitapu söpon.

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

NGONGUT 22:19

Kïlenyoni tïkwïl, ato chïchuk chi ngölyonto werkoynön nyo mi kitapunï, kïsöro Tororöt nyinte karerantanyi nyo pö ket pö söpon nko karerantanyi nyo pö Kanasyantanay tïlil kakïmwowunö kitapunete.

NGONGUT 3:12

Oghan chi nyo rïntoy kïlïku koghpa luch nyo pö Kö pö Tororötïnyan* amöngetonye wölini kokay. Okirchinan nyinte kayneto Tororötïnyan nko kayneto kanasyanta Tororötïnyan, nyoni kï Yerusalem nyo rel nyo rökuno yïm kungwïno wölo mi Tororötïnyan, akirchinan chane ngat kaynenyan nyo rel.

NGONGUT 3:4

Wölo mi walaka ompö Sardis cho ngörï cho melö kyosïmnyonökwa kegh koripökwa sïrokökwo. Opestokwa nyu nko ani, aloköy sïro cho relach, ompöwölo mïchinokwa.

NGONGUT 6:11

Ketö anka tïkwïl ompö chane sïra nyo kogh nyo rel akemwochï kumuny kïte, ntökïtenö kwitïta kiyitöto mötwor cho kipöghisïyi nko chane nko tupchenikwa cho tökepöröy le wölo kikïparta chane.

1 SAMWEL 17:25

akïlö, “Arose chichay, kengwïn atökïsas Israel akölö pöytoghintö, chi nyo pöröy nyinte, kutöni kïgh nyo wow akuyilchï cheptanyi, amökïminye kïgh nyo tökïghoköy soch katangwa.”