NGONGUT 22:6 - PIPÏLIA

⁶ Atolapay akïlenchanïn malaykayantanay, “Muköy pich kughan ngalechï akï pö man. Köyonï Echotyon Tororöt nyo töni werkoy Mïkulöwunyi malaykayantenyi atökuporchï mötworichi ngal cho ighisyot mötïny lawel.”

NGONGUT 22:6 ပူးပေါင်းရင်းမြစ်များ

TOWUNÖT 41:32

Kïkany otinö tökegh kirwotïtogh pö Parao kïlïkwï odeny kï ompöwölo Tororöt nyinte nyo katat, akï nyinte nyo ighöy kïpïntoy ato lekït.

DANIEL 3:28

Kïlö Nepukadnesa, “Nya kïsala Tororöt pö Syadrak nko Mesyak nko Apedneko nyo kiyokwï malaykayantenyi kungwïn kïsörï mötworichi cho kighönöy nyinte. Kitagh ngalechan akusalta kegh, kïtïl kïpöghisyechï akïsagh tororötin walaka kïpoto Tororötïngwa.

DANIEL 6:22

Keyokwï Tororötïnyan malaykayantenyi kungwïn kïkar kutuwa ngötuny. Möminye wölo kedanïn, ompöwölo möminye kïgh nyo gha nyo kyaghan ompö nyinte nko ompö nyi, we pöytoghin.”

MATAYO 13:41

yontoy Wero Chi malaykenichi kïpa kïghamït pich kïngetunö pöyunötenyi chane löwïr cho mïtyini pich ngokï nko mwokïyiskö walaka

LUKA 1:70

Kimwa nyinte könyisyok ompö werkoykachi cho tïlilöch,

LUKA 16:16

“Kintöghoghwokwa Kirurut pö Musa nko kikirut pö werkoy ntökïtenö osiswo Yoana Kipatisanin. Kïngeta atoni Lökoy cho Karamach cho pö pöyunöto Tororöt, pöyunöt nyo mi chi anka tïkwïl kïporyot kïlït ompö owesyö.

IGHISYEWUT 12:11

Atolapay kïpköchï Petro nyo pö nyoman lö, kitökikungwïna nyinte chela ori, kïlö, “Konkïtwan ye nyu nyoman lö köyonï Echotyon malaykayantenyu kungwïn kïsörwanïn atömechopanïn kong Erode, akïsörunenanïn tïkwïn lapay cho kömököy pipö Yaudi kwighwanïn!”

IGHISYEWUT 3:18

Wölo kimwowï Tororöt könyisyok kuwerï werkoy lö, kinyörilöy Kristo tanyi nyo mötïny, akikwigh nyinte ngölyontononi kïpïntö.

RUMI 1:2

Kiyomisï nyinte könyisyok kuwerï werkoykachi, kïle ato kirate ompö Kikirut cho Tïlilöch.

1 KORINTO 14:32

Mïchini kïpöyï chichoni tïng ropöwon nyo omteghoy ngölyonto Tororöt ropöwontononi,

1 KORINTO 7:29

Anyï kïgh nyo omökan omwoghöy werköcho: köngötï osiswö cho ngörï, nyo mïchini kïtïpï pich cho kakïkensyö kïngeta ye le cho tomöcha kïkensyö,

2 TESALONIKE 1:7

akïkonokwa kimungöt nko acha tïkwïl cho kichopech kong ato kïngongunö yïm Echotyon Yeso nko malaykenichi cho owesöch nko lyöpoto ma,

EPRANIA 12:9

Ompö atoni ketïngetecha papotïnecho cho kiyiyech, otini kömungecha, ketekacha chane. Kïlenyona mïchinecha nyu kekonyïtö tya Paponyo nyo pö ara mïkulögh tökesöpchenö!

2 PETRO 1:21

Ompöwölo möminye ngölyonto werkoyon nyo le ompö akonga nyo kingwïna machata ptangengmöt, wölo kingalan pich ngölyon nyo kingwïna wölo mi Tororöt otini kintöghoghchini chane Mïkulögh nyo Tïlil.

2 PETRO 3:2

Omökan ononekwa ngal cho kingor werkoy cho kikïl Tororöt nyinte kegh nko ngölyon nyo kimwowï Echotyon akï Ghetin ompö kutïweko kiyoktoghï.

NGONGUT 1:1

Achï ngal cho kingongï Yeso Kristo,* cho kitö Tororöt nyinte tökuporchï mötworichi ngal cho ighisyot ato lekït nyo mötïny. Kiyonï Kristo malaykayantenyi atökuporchï mötworintenyi Yoana ngalechoni,

NGONGUT 18:20

Ngaraka yïmö ompö kiwurata Papilon! Ongörekyenö pipö Tororöt, kiyoktoghï nko werkoy! Ompöwölo kakurwokyï Tororöt nyinte ompö tïkwïn cho kighwakwa!

NGONGUT 19:9

Atolapay kïlenchanïn malaykayantanoni, “Kira ngalechï: Soyönote chane cho kakekurchï akorpa kensyo Wawa Kech.” Akïlenchanïn ngat, “Ngala man chete cho kökonï Tororöt man.”

NGONGUT 21:5

Atolapay kïlö Tororöt kïtöpo ngacharu paytagh, “Arosa nyu! Kaghan ye tïkwïn lapay kïrelachitu!” Akïmwowanïn ngat lö, “Kira ngalechï komwowunyi ompöwölo ngal chete cho muköy pich kughan akï pö man.”

NGONGUT 21:9

Atolapay kungwïn wölo omitan malaykayan nyo kile akonga ompö malaykenichay le mut nko odeny kitïng pakulin mut nko odeny cho kinyïghitate nyörïlwoktino söröm cho le mut nko odeny akïlö, “Nyonö yi, atoporun Mïrar nyo pö kensyo Wawa Kech.”

NGONGUT 22:1

Atolapay kuporwanïn malaykayantanay lalwa pögho söpon, nyo kilïwï le kiyo, nyo kirotuno ngacharu paytaghpa Tororöt nko Wawa Kech.

NGONGUT 22:16

“Ani Yeso nyo koyonï malaykayantenyu kungwïn kïmwochï kanisen ngalechï. Opoyan ara Daudi. Ochan tapogh nyo lïwu kiwasan.”

NGONGUT 22:7

Kïlenchanïn Yeso, “Tere, ongwïnan lawel! Soyönote chane cho rïpöy ngala werkoynön cho mi kitapunï!”

NGONGUT 4:1

Kïkany kuwanta kegh ngalechï, asïwan sïwïyagh nyo pö kiyata ompö yïm. Kïlö kut nyo kichögh le kontï nyo kökangölonwanïn tagh, “Pusuna wölï toporun tïkwïn cho ighisyot nyo mötïny.”