NGONGUT 22:17 - PIPÏLIA

¹⁷ Kölenchï Mïkulögh nko Mïrara kensyö Yeso, “Nyonö!” Akï anka tïkwïl nyo kalïm ngölyontonete, kïmwa tïkwïl lö, “Nyonö!” Anka tïkwïl nyo amate maral akömököy, kumuköy tach kungwïn akï pögho söpon, cho pö kwïle.

NGONGUT 22:17 ပူးပေါင်းရင်းမြစ်များ

TUMWÖY 34:8

Achamchama akwane atasïwena köromnyo ECHOTYON. Soyönote chi nyo ghïpo nyinte.

ISAYA 12:3

Orömonekwa pögho ngörekyö, kori pöghoni sörunöto ECHOTYON.

ISAYA 2:3

akïmi kïlentöy, “Apkana kepustena kutïng pö ECHOTYON, ntöketïta Kö pö Tororöt* pö Israel. Atökunetecha ortïnechi, atökepe kerïpa ortïn cho mököy kerïpacha. Ompöwölo pkono kinetut pö ECHOTYON Yerusalem, ngölonchini pikachi kïngetunö Sayon.”*

ISAYA 2:5

Apkana nyu pipö ara Yakopo, apkana kepeghena löpoyïn pö ECHOTYON!

YEREMIA 50:5

Tepöy or nyo wetöy Sayon* akïpa kutang wölini atolapay kwam muma* lö, kïlinyot nko ani, amöminye nyo ngötighöy kokay.

ESEKEL 47:1

Atolapay kumïtwanïn ngat nko kuka Kö pö Tororöt. Asïwan ompö wölo porö lalwa nyo yintoy kutöngöy kongasis ompö kuka Kö pö Tororöt. Kiyintoy pöghechoni ompö okumpö löt nyo pö Kö pö Tororöt akï okumpö löt ompö ato kïpelo amöros.

MIKA 4:2

Pkonöy pipö punton cho möngörï akïlö “Apkana kepe kutïng pö ECHOTYON, ketanga Kö pö Tororöt* pö Yakopo. Atökunetech ortïnechi akerïp ngalechi.” Ompöwölo pkono Sayon* kirurut, akungwïna ngölyonto ECHOTYON Yerusalem.

YOANA 1:37

Kïlïm kinetanchay pö Yoana le odeny otini kimwoghöy nyinte lenyoni, kïpa chane akïrïp Yeso.

YOANA 4:10

Kïlenchï Yeso, “Ntökenkïtönyi röpöwonto Tororöt ainkïtï lö ngo nyinte nyete lenchininyi, ‘Konante pögh agha,’ kötesömenyi nyinte kïkonïn pögh cho tïng söpon.”

YOANA 4:11

Kïlenchï kokonay, “Echotyon, nyini metïngetenyinye kïgh nyo irömo pöghe akwanyï low koto pögh, isïkonyi nyu onö pögh cho tïng söpon?

YOANA 4:14

wölo anka tïkwïl nyo gheghöy pögh cho otönan kïlïku ompö orinyi kongpa pögh cho pö söpon, akutöni pöghechoni nyinte söpon pö kokay.”

YOANA 4:29

“Apkane ya arosa chi nyo kömwowanïn tïkwïn löwïr cho kyaghan. Ekumuko nyinte kïlïku nya Kristo?”

YOANA 7:37

Ki asis nyo wow asis nyo pö söröm nyo kipö asisoni wow pö omisyö. Kïlenyona kughyö Yeso akutegh ompö kut nyo wow lö, “Chi anka tïkwïl nyo amatïn maral ingwïn wölo omitan ateghegha pögh.

RUMI 3:24

Wölo ompö ropöwonto pöropcho Tororöt, muko nyu keyityï pich man ompö Kristo Yeso nyo le kityokintengwa.

1 KORINTO 2:12

Melö kakïtakacha ye mïkulöwu ngwïnyinï, wölo kakïtakacha Mïkulögh nyo ngwïno wölo mi Tororöt atökemuka kenkïtunö tïkwïn cho kikonecha Tororöt.

NGONGUT 14:13

Atolapay alïman kut nyo ngwïnö yïm nyo kilentöy, “Kira lö! Soyönote pich cho meghyot kïngeta ye kïtas tagh, kïpöghisyechini Echotyon!” Kuyokyï Mïkulögh lö, “Owöy lenyoni nyoman! Sïköy chane kimïny ompö kighotikwa, ompöwölo rïpöy chane ighisyewutkökwa.”

NGONGUT 2:7

“ ‘Ato itïng chi yitïn, ilïm ngal cho mwochini Mïkulögh kanisen! Otöninan nyinte nyo rïntoy kwam okinto ket pö söpon nyo mi ka Tororöt.’

NGONGUT 21:2

Asïwan Kanasyan nyo tïlil, Yerusalem nyo rel, kïrökunö yïm wölo mi Tororöt, kanasyan nyo kikipïch lasiny akïmi kïpsach, le mïrar nyo nopchini kegh santenyi.

NGONGUT 21:6

Akïlenchanïn, “Kikwighisyö! Ochan Alpa nko Omeka towunöt nko söröm. Otöninan chi anka tïkwïl nyo amate maral kïgheghöy pögh kwïle cho pkono kongpa pögho söpon.

NGONGUT 21:9

Atolapay kungwïn wölo omitan malaykayan nyo kile akonga ompö malaykenichay le mut nko odeny kitïng pakulin mut nko odeny cho kinyïghitate nyörïlwoktino söröm cho le mut nko odeny akïlö, “Nyonö yi, atoporun Mïrar nyo pö kensyo Wawa Kech.”

NGONGUT 22:1

Atolapay kuporwanïn malaykayantanay lalwa pögho söpon, nyo kilïwï le kiyo, nyo kirotuno ngacharu paytaghpa Tororöt nko Wawa Kech.

NGONGUT 22:16

“Ani Yeso nyo koyonï malaykayantenyu kungwïn kïmwochï kanisen ngalechï. Opoyan ara Daudi. Ochan tapogh nyo lïwu kiwasan.”

NGONGUT 7:17

Ompöwölo lïku Wawa Kech nyo mi kwenu ngacharu paytagh mösöwontengwa akuntöghoghchini chane ntökwit wölo kosuno pögho söpon. Miso Tororöt lok konyikwa löwïr.”