NGONGUT 22:10 - PIPÏLIA

¹⁰ Atolapay kïlenchanïn, “Mepïsï ngala werkoynöno kitapunï kïwïngisyö, ompöwölo karich ato ighisyot.

NGONGUT 22:10 ပူးပေါင်းရင်းမြစ်များ

ISAYA 13:6

Oteghyenö ompö ngwonïn, ompöwölo kalekïtit asispa ECHOTYON ato ipu Kimuktoghin kiwurat.

ISAYA 8:16

Ochikwa rïpankachan, nyo mïchinokwa arïpa kiyomisut cho kökonanïn Tororöt.

ESEKEL 12:23

Lenchinö chane lentöy Echotyon TORORÖT, ‘Owongan lökïr ngötïnyononi ompö Israel.’ Ailenchï, ‘Kikwitïta ato pïntoy sïwïyagh anka tïkwïl.’

DANIEL 12:4

“Wölo nyi Daniel, rora ngalechï, aikar kitapu ntökwit asispa söröm ompöwölo ryöghöy cho chang wöl nko wölnö akïtöso chïreryö.”

DANIEL 12:9

Kïlö, “Wechinö kegh Daniel, ompöwölo kikeror ngalechï, akekar ntökwitïta asispa söröm.

DANIEL 8:26

Sïwïyaghnay pö amörostino nöngötus nko tökwoghötin kïlïku man. Wölo iwïng ngalechï ye, ompöwölo tökïlow ato itïtoy.”

MATAYO 10:27

Ngölyon nyo omwowokwa ompö tuwïn amwatïta ompö löpoyïn, kïkany kïgh nyo olïmokwa sison amwatïtegha pörkö.

RUMI 13:11

Akïmöchonicha opïn, onkïtökwa lö kïmitö osis cho nenach. Osiswechete cho kömïchï kengetena rïwon, ompöwölo kikïlekïtit ye tya sörunötenyo kïtïl atanya kikighanacha.

RUMI 13:12

Kamach kuwonyö oghö, akarich kïyech. Kelastena nyu ighisyewut pö tuwïn akelach kari lïk cho pö löpoyïn.

2 TESALONIKE 2:3

Makany kïlïsak chi anka tïkwïl ompö or anka tïkwïl. Ompöwölo metunye Asisoni ntökïtenö kïnya kwitï Penyata nyo wow akengongwï Mwokïyontonay kikengotyï ngwen.

1 PETRO 4:7

Kikïlekïtit sörömu tïkwïn lapay. Mïchinokwa nyu otïpinö ompö tölosyö nko ripöto kegh atïpï kïpsach atamuka asagha.

NGONGUT 1:11

nyo kilentöy, “Kirchinö kitapï ngal cho isïwïyenyi aipchï kanisenichay le mut nko odeny, kanisa: Epeso nko Smurna nko Perkamo nko Tuatira nko Sardis nko Piladelpia nko Laodikea.”

NGONGUT 1:3

Soyönote chi nyo somönöy kitapunï akusoyönote pich cho lïmöy ngalechï pö werkoynön akïrïpöy lenyini kikikirchï orinyi, ompöwölo kikïlekïtit ato ighisyot ngalechï.

NGONGUT 10:4

Akwotini kimuchö tïlonay, amakan akir ngal cho kïmwoghöy tïluchoni wölo alïman kut nyo kingwïno yïm nyo kilö, “Ikany kïwïngisyö ngalechona kamwa tïlutchona le mut nko odeny, mekir!”

NGONGUT 22:16

“Ani Yeso nyo koyonï malaykayantenyu kungwïn kïmwochï kanisen ngalechï. Opoyan ara Daudi. Ochan tapogh nyo lïwu kiwasan.”

NGONGUT 22:18

Ani Yoana nyo omwochinan chi anka tïkwïl nyo lïmöy ngala werkoynöno kitapunï kïter lasiny. Akwato tösï chi anka tïkwïl ngalechï ngale walaka, kïtösini Tororöt nyörilwok cho kikikirchi kitapunï.

NGONGUT 22:20

Mwoghöy nyinte nyete söwintönchini ngalechï lö, “Owöy! Ongwïnan lawel!” Amen. Nyonö Echotyon Yeso!

NGONGUT 22:7

Kïlenchanïn Yeso, “Tere, ongwïnan lawel! Soyönote chane cho rïpöy ngala werkoynön cho mi kitapunï!”

NGONGUT 22:9

Wölo kïlenchanïn, “Ewo mesoghanïn! Ochan mötworin le nyi nko tupcheniku chay le werkoy nko chane tïkwïl cho rïpöy ngal cho mi kitapunï. Sagha Tororöt!”

NGONGUT 5:1

Atolapay asïwan ompö ewu tagh nyo pö nyinte nyini kitöpo ngacharu paytagh kitapï nyo kikikir ori nko sany akekara möchey mut nko odeny.