NGONGUT 21:4 - PIPÏLIA

⁴ Misöy nyinte Tororöt lok cho mi konyikwa akïmökïminye meghat kokay, amökïminye lok ompöwölo kama chi, anta rirat anta kichïr ompöwölo kikuwer tïkuchay pö tagh.”

NGONGUT 21:4 ပူးပေါင်းရင်းမြစ်များ

TUMWÖY 144:4

Karkegh nyinte nko kimïny pat, lata osiswechi puret nyo weröy.

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

ISAYA 30:19

Akwa pipö Sayon,* melö torirsokwa ngat cho omöngöy Yerusalem. Kisyonin Tororöt nyo otini korirchikwa nyinte, kïterwokwa.

ISAYA 35:10

Mïlisyot pich kösörï ECHOTYON Sayon,* pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, ompöwölo kangeta chane nyarïl nko ngwonïn kokay.

ISAYA 51:11

Mïlisyot pich cho kisörï ECHOTYON Sayon, pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, akïngeta chane nyarïl nko ngwonïn kokay.

ISAYA 60:20

Wonyot osisweku cho pö nyarïl. Olïkunan ante ECHOTYON töpewengu nyo pö kokay. Töpewö nyo töpo nyo kogh kïtïl asis nko arawa.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

YEREMIA 31:12

Pkonöy nyu pipö Israel kïtumöy ompö ngörekyö, ompö kutïng pö Sayon. Ngörokyini ropöw cho oropchinan chane Ropöwo pagh nko dipay* nko mwowöy cho pö kechir nko tïch nko kyaki walaka. Körökegh nyu atoni möngengwa nko par nyo mi pögh osis löwïr. Möminye kïgh nyo rörchini chane.

YEREMIA 31:13

Pkonöy monekwa cho le tipïn akïnyal ompö ngörekyö akwigh mïrön nko poy kïturonchö. Osoghsoghan chane, awaghach sönönötengwa kïlïkwï ngörekyö, owöghökan nyörilwokökwa kïlïkwï turönö.

OSEA 13:14

Oghetunonan chane owesyo ngwen, asörunan chane meghat. Mi onö ngwonengu nya we meghat? Akï mi onö kiwuratengu nya we ngwen? Melö totïngetan kisyonchin ompö akwa nyonikïny.

MATAYO 24:35

Weröy yïmö nko ngwïny, wölo meweröcha nyonikïny ngalechan.

1 KORINTO 15:26

Punyon nyo pö löt nyo kinyoröy, kï meghat.

1 KORINTO 7:31

Mïchini kwigh kegh cho sïngo tïpö ngwïnyinï le pich cho mösïngocha tïkuchoni tya. Ompöwölo mi ngwïnyinete kïsïwïyi ye kuweröy.

2 KORINTO 5:17

Kïlenyona nyu ato tuyö kegh chi anka tïkwïl nko Kristo kïkalïkwï nyinte ighan nyo rel, kikuwer ngala köny, ketï otöp nyo rel.

2 KORINTO 6:17

Nka nyoni mwoghöy ngat Echotyon lö, “Angetena kwenungwa, apesyö nko chane. Maswany kïgh nyo le sïmnyon, atatarokokwa.

EPRANIA 12:27

Porwecha ngölyontonï “ngat” lö, kitimtimöy tïkwïn löwïr cho kikigh aketoyö, akenategha, atökudong nyu tïkwïn cho metimtimisyocha.

2 PETRO 3:10

Wölo miru asispa Echotyon le chorin. Weröy yïmöy Asisoni nko kighumöt nyo wow, kiwuro ma tïpö yïm, kïpelöy ngwïny nko tïkwïn löwïr cho mi orinyi.

1 YOANA 2:17

Weröy ngwïnya nko tïkuchi löwïr cho pïrchini pich, wölo söpöy kokay chi anka tïkwïl nyo ighöy machata Tororöt.

NGONGUT 20:13

Atolapay kikonï nanam pich cho kimeghyechï orinyi. Kikonï meghat nko ngwen pich cho kimeghö ompö oringwa. Kikirwokyï nyu löwïr kïrïp kegh nko ighisyewutkökwa.

NGONGUT 20:14

Kewirchï meghat nko ngwen nanamoni pö ma akï nanamoni pö ma kï meghat nyo pö odeny.

NGONGUT 21:1

Atolapay asïwan yïm nyo rel nko ngwïny nyo rel. Kikuwer yïmö nko ngwïny nyay pö tagh amelö kitökïmi nanam ngat.

NGONGUT 22:3

Möminye kïgh anka tïkwïl kanasyantanoni nyo kikïtagh Tororöt. Töpo ngacharu paytaghpa Tororöt nko Wawa Kech, kanasyantanoni akï soghöy mötworichi nyinte.

NGONGUT 7:17

Ompöwölo lïku Wawa Kech nyo mi kwenu ngacharu paytagh mösöwontengwa akuntöghoghchini chane ntökwit wölo kosuno pögho söpon. Miso Tororöt lok konyikwa löwïr.”