NGONGUT 21:27 - PIPÏLIA

²⁷ Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

NGONGUT 21:27 ပူးပေါင်းရင်းမြစ်များ

TUMWÖY 101:8

Onyoran mwokïyis cho mi korencha osis löwïr, atömanyïl oyonan chane kanasyanta ECHOTYON. Saghata chi nyo mi nyarïl, otini kaghach akupït akïlïmchï ECHOTYON rirenyi kïmïkul.

WUWÖT 32:32

Wölo ye nyu, löstoghchinö ngokikwa anta mölenyona, ingongoghtanïn ompö kitapungu nyay kikirchinyi piköku.”

ISAYA 35:8

Akïrumuno atoni or nyo wow, or nyo kïkuro, “Ara Tïlilyö.” Mewerönye chi nyo le sïmnyon aranoni, amepotyeghocha sölwöy aranoni.

ISAYA 52:1

Ngeta! Ngeta! Awesituna we Sayon!* Laka sïroköku cho pïchighöch, we Yerusalem kanasyan nyo tïlil! Ompöwölo melö tökïlïtu ortïneku ngat chi nyo le somchon nko nyo le sïmnyon.

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ESEKEL 44:9

Kïlenyona lentöy Echotyon TORORÖT, “Kïkïröy kïlït Konyan ton anka tïkwïl nyo le somchon ompö mïkulögh nko ompö por ompö to löwïr cho möngöy nko pipö Israel.

YOEL 3:17

“Onkïtunekwa nyu lö ochan ECHOTYON Tororötïnkwa nyo omöngöy Sayon kutïngtönyan nyo tïlil. Akïtïlilitu Yerusalem amökïtïkönye pïnotyontö orinyi ngat.

LAWIN 13:46

Lïku sïmnyon chichoni otini tökïtïng sömewononi. Möngöy wudanyi onkït ompö kanasyan kiror.

SAKARIA 14:21

Kitïlilchini ECHOTYON Kimuktoghin tören löwïr ompö kanasyanta Yerusalem nko koro Yuda atokumï pich kughogha panya amörostino ECHOTYON. Ato itïta osiswechoni, melö tökïmi mïnchïrïsyonta kokay nyo ngotu ompö Kö pö Tororöt Kimuktoghin.

KIYITUT 12:15

Kïlenyona kekörchï Miriam sanypa möngot ompö osis mut nko odeny, amelö kitökïwï pich ntökïtenö kïmïla Miriam.

KIYITUT 5:3

Oyonekwa mïrön nko kor kïngeta möngot atömesïmnyon möngot wölo omitan nko piköchan.”

MATAYO 13:41

yontoy Wero Chi malaykenichi kïpa kïghamït pich kïngetunö pöyunötenyi chane löwïr cho mïtyini pich ngokï nko mwokïyiskö walaka

MARKO 7:2

Kïsïwa kinetanpa Yeso walaka kwomisïyi nko morïn cho le sïmnyon, cho tomönye kewun.

LUKA 10:20

Wölo mongörekyö, pat lö köterwech oy, wölo ongörökyenö ompöwölo kikekir kaynötutkökwa ompö yïm.”

EPESO 5:5

Onkïtï nyoman lö, möminye chi nyo le cheporesyan anta nyo le sïmnyon anta nyo pïrchini tïpö pich (ompöwölo pïrchin kï saghata körkeyïntin), nyo nyoru kïgh ompö Pöyunöto Kristo nko nyo pö Tororöt.

PILIPI 4:3

Osominyi tïkwïl, kongenyu nyo ichï ghanate, lö ngaraka koruchoni, ompöwölo kinoghyö chane nko ani ompö amtaghata Lökoy cho Karamach nko Klemen nko pich lapay cho kikinoghyecha tïkwïl, pich cho kirote kaynötutkökwa kitapu söpon.

1 TIMOTEO 1:10

nka cheporestin nko mïrön cho le ptakalis nko pich cho choröy piko walaka nko putï nko cho mïrchini pich put anta kïnye anka tïkwïl nyo ighöy kïgh nyo chuniote nko kinetut pö man,

EPRANIA 12:14

Okilö kegh, otïpinö ompö kalya nko pich löwïr otïpinö otöp nyo pö tïlilyö nyo ato mötïngnye chi kïmösïwïyinye Echotyon.

2 PETRO 3:13

Wölo kïköngecha kïgh nyo kikuyomiswecha Tororöt. Nyoni kï yïm nyo rel nko ngwïny nyo rel wölo möngöy man.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 20:12

Atolapay asïwan pich cho kikikïmeghö, cho echön nko cho mïnkech kughyongo tawu ngacharu paytagh. Atoni nyu keyat kitapun. Atolapay keyat kitapu anka, nyoni kï kitapu söpon. Kerwokyï chane kïrïp kegh nko tïkwïn cho kigh chane le wölini kikikirta ompö kitapunechoni.

NGONGUT 20:15

Kikïwirchï nanamoni pö ma chi anka tïkwïl nyo kimelö kikïsöchï kaynenyi kukirate ompö kitapu söpon.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”

NGONGUT 3:5

Kilokyini pich sïro cho relach asïyech cho rïntoy amelö ongongoghtenan kaynötutkökwa ompö kitapu pich cho sötote. Omwotïtonan ompö tawu Paponyan nko ompö malaykenichi lö piköchan chane.