NGONGUT 21:11 - PIPÏLIA

¹¹ akï nyo kilïwu ompö ororyo Tororöt. Kulïwï kanasyantanay le kogh pö olyot nyo wow nyo lata koghpa yaspi nyo lïwu le kiyö.

NGONGUT 21:11 ပူးပေါင်းရင်းမြစ်များ

AYUPU 28:17

Melö karkegh nko koltin nko sanay cho kwerkwersot, amelö kimuköy kewöghöko tïkwïn cho kikigha koltin cho pïchighöch.

ISAYA 4:5

Atolapay kïyonï ECHOTYON polta ato le pöghet nko ighöt ato le nangat nko lyopöt ato le nangat kulïwchï kutïng pö Sayon. Lumöy ororyo Tororöt akïkarta kanasyante kïmïkul.

ESEKEL 1:22

Mi kïgh parakungwa nyo kimirï le kïtompïl wölo rel nyo köryol nyo mirmiröy.

ESEKEL 1:26

Kilenye kïyay kimirö ngacharu paytagh wölo le parak nyo karkegh nko kagh nyo kikuro Sapira akïtöpö kïgh ngacharunini nyo lenye chi nyo töror tya.

ESEKEL 28:16

Ompö mïnchïrïsnöntengu nyo kilet nyoman, kinetanyi kegh ghöyityö aigh ngokï, kïlenyona atyartinyi le sïmnyon ompö kutïng pö Tororöt, akïyoninyi kerupim nyo kiripinyi ngetena kwenu koghichay kwerkwersot.

ESEKEL 43:2

asïwan ororyo Tororöt pö Israel kungwïno kongasis, kilata kutinyi kighumöto puseryon, akulïwchï ngwïny ompö löpoyïn pö ororyenyi.

ESEKEL 48:35

Ki miten 9,000 koghïn pö nayat, kekur kayna kanasyan kïngeta atoni, “Mi ECHOTYON atoni.”

NGONGUT 15:8

Kïnyïghï ighöt Kö pö Tororöt nyo kingwïn ompö ororyö nko owesyo Tororöt, akimöminye chi nyo kimï kïlït Kö pö Tororöt ntökïtenö kuwonyö kinyörilutchoni le mut nko odeny cho kipï malaykenichoni le mut nko odeny.

NGONGUT 22:1

Atolapay kuporwanïn malaykayantanay lalwa pögho söpon, nyo kilïwï le kiyo, nyo kirotuno ngacharu paytaghpa Tororöt nko Wawa Kech.

NGONGUT 22:5

Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.

NGONGUT 4:3

Akwoto kiros chichoni kitöpo ngacharunoni, kï kilata pïchighyenyi koghi yaspa nko sardio, akiwit ngacharunoni pö paytagh kïtompïlyö nyo kilata munyanta sumarado.

NGONGUT 4:6

Kimi ngat nko ngacharu pö paytagh kïgh nyo kilata nanampa kïlas, ki rel lönga. Akimi kwenu ngacharu paytagh, tyonkïn angwanï cho sötote cho kinyïghï konyïn tagh nko löt cho kiwit woptine löwïr.