NGONGUT 20:8 - PIPÏLIA

⁸ Akwotini kingwïn sany, kïlïsata pich kïghömï ngwïny kïmïkul choni kï Kok nko Makok. Ghömïtöy Onyötö chane löwïr kïpa lïk, lïko pich cho makïrar, pich cho tenö ngayam cho mi sörömu nanam.

NGONGUT 20:8 ပူးပေါင်းရင်းမြစ်များ

1 PÖYTOGHÏ 4:20

Kïchangit tya pipö Yuda nko Israel, kikarkegh chane nko ngayam cho mi sörömu nanam, kwomisyö akïgheghsyö akïngörekyö.

2 OTÖPTINO OSIS 18:21

Kuyokyï lö, ‘Owetan oghöy werkoy pö Aap löwïr kïmwa putintön.’ Atolapay kïlenchï ECHOTYON, ‘Wïyö lïsa nyinte. Imukunenyi.’ ”

ISAYA 10:22

Kïrkegh chang ye pipö Israel le ngayam cho mi nanam, wölo mïlonchot cho ngörï. Mi kiwurata kïköngöy chane akwigho lenyoni ompö man.

YEREMIA 33:22

Otösan pipö ara pöytoghin Daudi nko tïsï cho pö ara Lawi kïchangit nyoman nyo memukönye chi kuyit le kokel cho mi yïm anta ngayam cho mi sörömu nanam.”

ESEKEL 38:1

Kungwïnchanïn ngölyonto ECHOTYON

ESEKEL 38:2

kïlenchanïn, “Wero chi, wechinö Kok ompö koro Makok yetïn nyo wow nyo pö Mesyek nko Tupal, atolapay ingor lö,

ESEKEL 39:1

Lentöy Echotyon TORORÖT, “Wero chi, nya kïngor möt Kok, lenchinö kighochaninyi nyoman we Kok, yetïn pö Mesyek nko Tupal.

ESEKEL 39:6

“Oyokyinan ma Makok nko chane löwïr cho möngöy rerangu Nanam ompö kalya, tökunkïtï lö ochan ECHOTYON.

ESEKEL 7:2

“Ye o wero chi, anyï kïgh nyo oghan ante Echotyon TORORÖT ompö koro Israel: kikwitïta sörömu kore kïmïkul!

EPRANIA 11:12

Kiyï Apraam pich cho chang le kokel ompö yïm akïtenö ngayam cho mi nanam, kïrkegh kikiyosit nyinte nyo melö kitötökïyiyöy monïng.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.

NGONGUT 16:14

Mïkulis pö oy chane cho ighöy töngönchin. Petöy mïkulischoni kïsömök wölo mi pöytoghi ngwïny kïmïkul atökutuyö chane löwïr ompö poryot ompö Asis nyo wow nyo pö Kimuktoghin Tororöt.

NGONGUT 20:10

Atolapay kewirchï Onyöt nyo kilïs pich nanampa ma nyo ngwan lakat, mapa koghïn cho nöghsot. Kikïwirchï wöloni tïkwïl tyonyay nko werkoyontonay pö putintön. Nyörïlyegho chane wöloni pöghet nko nangat, kokay nko kokay.

NGONGUT 20:3

akuchoytö kïröytö ngwen akïkörchï wöloni akutö kïgh kuke nyo por lö puryö chi nyo yotöy. Kikïkörchi wöloni Onyöt atömökumï ngat kïlïs pipö ngwïny ntökïtenö kuwonyö könyiswechoni le elpu akonga. Kïkany kuwonyö könyiswechoni le elpu akong, kïmïchini ketyak nyinte ngat, wölo ompö osis cho ngörï.

NGONGUT 7:1

Kïkany kuwanta kegh asïwan malayken angwan cho kighyongo koneni angwan cho pö ngwïny mi kïkörtoy yomöt ompö woptinechini kwangwan, atömö kïkut paraku ngwïny anta paraku nanam anta swany ket anka tïkwïl.

KIRWOKÏ 7:12

Kimi wöloni le mpöghogh pipö Midyan nko cho pö Amalek nko pïchoni pö okumpö kongasis. Ki chang chane le talam, akitïng tamasay cho chang le ngayam cho mi nanam.

1 SAMWEL 13:5

Kïnyoryö Pilisti atökïporyö nko pipö Israel, kitïng nkaritin cho le 30,000 nko pipö angoletin cho le 6,000 nko pipö lïk cho chang le ngayam cho mi nanam. Kïpka akïtek möngengwa Mikmas kongasispa Pet Apen.