NGONGUT 20:12 - PIPÏLIA

¹² Atolapay asïwan pich cho kikikïmeghö, cho echön nko cho mïnkech kughyongo tawu ngacharu paytagh. Atoni nyu keyat kitapun. Atolapay keyat kitapu anka, nyoni kï kitapu söpon. Kerwokyï chane kïrïp kegh nko tïkwïn cho kigh chane le wölini kikikirta ompö kitapunechoni.

NGONGUT 20:12 ပူးပေါင်းရင်းမြစ်များ

TUMWÖY 28:4

Inyaril kong chane kïrïp kegh nko ighisyewutkökwa ompö ghöyityö nyo kigh chane. Ichop kong chane ompö ghöyityengwa. Ighokyï cho mïchini!

TUMWÖY 62:12

akï pö chomnyenyi kokay. Nyi, we Echotyon nyo iropchini chi anka tïkwïl, kïrïp kegh nko ighisyewutkachi. Tum pö Daudi, otini kimi surkwen pö Yuda.

TUMWÖY 69:28

Ingongoghta kaynötutkökwa ompö kitapu pich cho söpsot amekany kekir chane nko pipö man.

NGÖTÏNYÖ 24:12

Ato olekwa, “Melö kinkïtöcha ngalechoni,” möpköchininye so nyinte nyini pimöy mïkulis? Amenkïtunye nyinte nyini ripöy mïkulöwungu akwighchï chi kïrïp kegh nko ighisyewutkachi? Ngöghomnyö nyo pö tömönut odeny nko mut nko akonga

NGÖTÏNYÖ 24:29

Melö, “Oghchinan nyinte lenyini keghwanïn, otökyinan nyinte kini keghwanïn.”

OMTOGHIN 12:14

Ompöwölo ipu Tororöt kirwok ighisyö anka tïkwïl nyo wïnyate, ato kö karam anta kö gha.

YEREMIA 17:10

Osyokan ante ECHOTYON kinonut pö chi, okïtan mïkulöwunyi ori. Nka nyay oghchinan chi anka tïkwïl, kïrïp kegh nko ortïnechi nko ighisyewutkachi.”

YEREMIA 32:19

Itötenyi ngaleku ompö ngöghomnyö aighenyi tïkwïn cho pö töngönchin. Isïwïyenyi lötok ortïn nko ighisyewut pö ptangengmöt airopchinenyi anka tïkwïl kïrïp kegh nko ortïnechi nko ighisyewutkachi.

DANIEL 7:10

Kiyinuna champilwa ma tawunyi. Kïpka pich cho chang cho kipöghisyechï nyinte. Akughyongö tawunyi pich cho makïrar. Kutor kokwö kurwoch, kengany kitapun.

MATAYO 11:22

Wölo omwowokwa nyoman lö, ‘Syonchini Tororöt ompö asispa kirwok tya pipö Tiro nko Sidon kïtïlekwa!’

MATAYO 16:27

Ompöwölo, ngwïnöy Wero Chi atoni ompö ororyeto Kwanta nko malaykenichi atökïghokyï chi anka tïkwïl kïrïp kegh nko ighisyewutkachi.

LUKA 10:20

Wölo mongörekyö, pat lö köterwech oy, wölo ongörökyenö ompöwölo kikekir kaynötutkökwa ompö yïm.”

IGHISYEWUT 24:15

Atïngetan kighanatanini le akonga tïng chane ompö Tororöt lentöy, tutu pich tïkwïl, cho karamach nko cho ghach.

RUMI 2:6

Ompöwölo ropchini Tororöt chi anka tïkwïl kïrïp kegh nko ighisyewutkachi.

1 KORINTO 4:5

Kïlenyona, morwokyï chi anka tïkwïl kïtomö kwitïta asistanyi, opïstenö tökïtenö kungwïn Echotyon, nyinte nyo pköngöy tïkwïn cho kikïwïnchï wölo tuw akuporï möchut pö mïkulis pö pich, atökïnyorunö nyu Tororöt chi anka tïkwïl salat nyo mïchini.

2 KORINTO 5:10

Ompöwölo kighyongocha löwïr tawu ngacharu Kristo* nyo pö kirwok nyo mötïny atökurwokwecha nyinte. Kirwokyini chi anka tïkwïl kïrïp kegh nko ighisyewutkachi cho kigh ato ki karamach anta ki ghach.

PILIPI 4:3

Osominyi tïkwïl, kongenyu nyo ichï ghanate, lö ngaraka koruchoni, ompöwölo kinoghyö chane nko ani ompö amtaghata Lökoy cho Karamach nko Klemen nko pich lapay cho kikinoghyecha tïkwïl, pich cho kirote kaynötutkökwa kitapu söpon.

NGONGUT 11:18

Kinörekyö pipö punton kumes, Wölo kikwitïta asisto sïngiryengu, akwitïta asis nyo kirwokyini pich cho kimeghö. Kitïta tïkwïl ato iropchinenyi tïkwïn mötworiku ompö werkoy nko pich löwïr cho kikïlanyi nko lapay cho konyïtöy kaynengu, kö echön anta kö mïnkech. Ketïta ato kinyoröy pich cho nyoröy ngwïny!”

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 17:8

Ki söpote osiswe walaka tyonyoni kesïwenyi, wölo melö tökïsöpote ye. Karich ye kïngetunö nyinte ngwen atökenyar. Töngönyöy pich cho möngöy ngwïny cho tomöcha kekirchï kaynötutkökwa kitapu söpon kïngeta otini le towunöto ngwïny töngönyöy chane ato sïwa tyonyoni ki söpöy osiswe walaka akïma, akwanyï ye söpöy ngat!

NGONGUT 19:5

Atolapay kungwïna kut ngacharunoni pö paytagh nyo kilö, “Asala Tororöt akwa lapay cho ochï mötworichi, akwa cho ochï pikachi, cho mïnkech nko cho echön, akwa cho okonyïtöy nyinte!”

NGONGUT 2:23

Opöran pich löwïr cho le rïpankachi atökunkïtï kanisen löwïr lö onkïtön kinonut pö pich löwïr nko mïkuliskökwa. Oghokyinan chi anka tïkwïl ompö chane kïrïp kegh nko ighisyewukachi.

NGONGUT 20:11

Atolapay asïwan Tororöt ngacharu kïtöpo paytagh ngachar nyo wow akï rel kïpa lö weng ompö tawunyi ngwïnya nko yïm amelö kitökesïwa chane ngat.

NGONGUT 20:13

Atolapay kikonï nanam pich cho kimeghyechï orinyi. Kikonï meghat nko ngwen pich cho kimeghö ompö oringwa. Kikirwokyï nyu löwïr kïrïp kegh nko ighisyewutkökwa.

NGONGUT 20:15

Kikïwirchï nanamoni pö ma chi anka tïkwïl nyo kimelö kikïsöchï kaynenyi kukirate ompö kitapu söpon.

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

NGONGUT 22:12

Kïlenchanïn Yeso ngat, “Tere! Ongwïnan lawel! Apunan ropöwechu, atotö chi anka tïkwïl kïrïp kegh nko ighisyewutkachi.

NGONGUT 3:5

Kilokyini pich sïro cho relach asïyech cho rïntoy amelö ongongoghtenan kaynötutkökwa ompö kitapu pich cho sötote. Omwotïtonan ompö tawu Paponyan nko ompö malaykenichi lö piköchan chane.