NGONGUT 2:3 - PIPÏLIA

³ Onkïtön lö kimïkukönenyi nyoman, aiwongwï ompö ani akïtomönye aghachanyi.

NGONGUT 2:3 ပူးပေါင်းရင်းမြစ်များ

TUMWÖY 37:7

Sisa nyu ompö tawu ECHOTYON aikön nyinte. Mesus kegh ompö pich cho mökosöch anta tötoy wököt.

TUMWÖY 69:7

Kakïsasanïn ompö nyi nka nyï ye kelum tokochunyan arasï.

MIKA 7:9

Omïkukönan ompö nörekyo ECHOTYON ompöwölo kyoghchan nyinte ngokï ntökïtenö kïporyeghwanïn akïlöstoghwanïn. Ipkanïn sany wölo mi löpoyïn asöwintönchan sörunötenyi.

MARKO 15:21

Kuryam ompö araor nko chi nyo kikuro Simon, nyo kingwïno koro Kurene, kuchikyï nyinte kïkasan kimurtöwonto Yeso (chichoni kï ki papoto Aleksanda nko Rupo).

LUKA 14:27

Amemukönye chi anka tïkwïl kïlïkwï kinetanenyan kïpoto ato sït kimurtöwontenyi akïrïpanïn.

LUKA 18:1

Kïmwochï Yeso asistanka kinetankachi körkeyïn nyo kinetöy lö, mïchini kïsagh osis löwïr, amömeghö mutïnö.

LUKA 21:19

Achïchïm nyu lasiny tonyorunö söpon.

LUKA 5:5

Kuyokyï Simon lö, “Echotyon, kökinoghyecha amïna kïyech amökïnamachanye kïgh nyonikïny. Wölo ato imwaghanyi lenyoni, oreytonan netine.”

LUKA 8:15

Kïnyïl kösïghechay kichïnchï nyïngwïtyan nyo akwagh kï pich cho lïmöy ngölyonto Tororöt akïkomönchï mïkulögh nyo ghanat, akï nyo karam, akïmïkukön ntökïyï akwa.

YOANA 15:21

Wölo ighwokwa chane ngalechoni löwïr, ompöwölo ochikwa piköchan, ompöwölo menkïtcha chane Tororöt nyini kiyokwanïn.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 16:12

Otokweswante Trupena nko Truposa cho pöghisyechini Echotyon atokweswo kongenyu Persi nyo kinoghyö nyoman ompö ighisyo Echotyon.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

RUMI 8:25

Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.

1 KORINTO 13:7

Kömöghöy chomnyogh ngal löwïr, akughönöy tïkwïn löwïr, akukönisïyi, akïmïkukönöy ompö ngal löwïr.

1 KORINTO 16:16

arïp kintöghoghchin nyo pö pich cho lata choni nko pikö walaka cho pöghisïyi nko chane.

2 KORINTO 10:15

Kïlenyona nyu, melö kïkwolecha kegh ompö ighisyewut cho kigh pikö walaka kïtïl kipimöwon nyo kikonecha Tororöt, wölo kikönecha lö tötasa kighanatenkwa akïghetï atökeghenacha nyu ighisyö nyo wow tya kwenunkwa kïrïp kegh nko kipimöwonto Tororöt nyo kikonecha.

2 KORINTO 11:23

Mötwori Kristo so chane? Ochan tïkwïl, angölonan lenyoni le chepoyï, lö ochan mötworinto Kristo kïtïl chane! Kaghan ighisyö nyo aghïgh tya, kikïtorchanïn chela kïnyïl cho chang tya akemungenanïn syaritin kïnyïl cho chang tya. Kyachïwïtan meghat kïnyïl cho chang.

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

2 KORINTO 4:16

Kïlenyona nyu, melö meghsonecha mutïnö, akï kïrkegh könïnö porwöyicha, kighöy mïkulisköcha kïrelachitu kïtenö osis.

2 KORINTO 5:9

Wölo kïgh nyo wow kïsïr, kï keghacha tïkwïn cho mököy nyinte ato kö ompö ngwïnyinete anta kö woptö anka.

2 KORINTO 6:5

Kakïmungecha aketorchecha chela, kakïchilecha ompö tawu pich, kakitungenecha ighisyewut kyoghochenö akepa kïpuryö rïwön anta omisyö.

KALATIA 6:2

Okösönchinö kegh akwane nïkisïntinekwo atopuntenö kiruröto Kristo.*

KALATIA 6:9

Kïlenyona, mökyoghochö otini kighöy ighisyewut cho karamach, ompöwölo ato mökyoghochechanye, kwitu nyu ato kilecha.

PILIPI 2:16

amitekwa nömöy lasïny ngölyonto söpon. Ato aghakwa lenyoni onyorunan kïgh nyo omuköy okwolö kegh akwa ato itï asispa Kristo, ankïtwan lö melö kyorïpön kwïle amawirnye wuw pöghisyenyan.

PILIPI 4:3

Osominyi tïkwïl, kongenyu nyo ichï ghanate, lö ngaraka koruchoni, ompöwölo kinoghyö chane nko ani ompö amtaghata Lökoy cho Karamach nko Klemen nko pich lapay cho kikinoghyecha tïkwïl, pich cho kirote kaynötutkökwa kitapu söpon.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

1 TESALONIKE 1:3

Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

1 TESALONIKE 2:9

Ononekwa tupchenichu, wölanye kikinoghyecha kïlïkwï, kikïpöghisyecha pöghet nko nangat atömökïkonokwa nïkisïn ompö omisyewut otini kikïmitecha kyomwokwa Lökoy cho Karamach cho pkono wölo mi Tororöt.

1 TESALONIKE 5:12

Kïsoghokwa lasiny, tupchenicho lö, okonyïtö pich cho mi kïpöghisyewokwa cho ntöghoghchinekwa akunetokwa otöp nyo mïchini pipö Kristo kïrïp.

2 TESALONIKE 3:13

Wölo moghochö cho le akwa, tupchenicho agha ighisyewut cho karamach.

2 TESALONIKE 3:5

Nya kuntöghoghchï Echotyon mïkulöwekwa ompö chomnyo Tororöt nko ompö mïkukönöt nyo konecha Kristo.*

2 TESALONIKE 3:8

Melö kikyamacha omisyo chi anka tïkwïl amökïghaktecha. Nyinö kitökyomecha kwïle, kesïngacha nangat nko pöghet atömökitö nïkisïn chi anka tïkwïl ompö kwenunkwa.

1 TIMOTEO 4:10

Kinoghyonecha ompö pöghisyö anka tïkwïl nyoman ompöwölo kiketönöcha kikönötenyo wölo mi Tororöt nyo söpöy akï nyo le Ghetinto pich lapay, kï mïr tya pich cho kikughan.

1 TIMOTEO 5:17

Mïchini poy cho le kintöghoghi kanisa cho pöghisïyi nyo karam konyït ompö konyït nyo wow, kïmïr tya cho noghyot ompö amtagh akunetisïyi.

EPRANIA 10:36

Mïchini omïkukönökwa atamuka agha machata Tororöt, tonyorunö kini kikiyomisï.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

EPRANIA 13:13

Kepe nyu sanypa kanasyan wölo mi nyinte atökepara arasï nyo kisïch nyinte.

EPRANIA 6:10

Pö man Tororöt nyo möwutyeghonye ighisyenkwa nyo pö chomnyogh nyo kyaghakwa ompö kaynenyi, ompö kingarakat nyo kyoghchikwa pipö Kristo akïtomitenökwa oghchine chane.

EPRANIA 6:12

Malïkwï körsong, wölo okil kegh, arïp pich cho kighan akïmïkukön atomi söröm kïnyorï tïkwïn cho kiyomisyï Tororöt chane.

EPRANIA 6:15

Kïmïkukön Apraam ato mi söröm kïnyorï kïyoni kiyomisyï Tororöt.

2 PETRO 1:6

atasa ngöghomnyengwo ripöto kegh, atasa ripöto kegh mïkukönöt atasa mïkukönötengwo kiwaghata Tororöt,

NGONGUT 1:9

Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.

NGONGUT 3:10

Akwompöwölo keripönyi ngölyontenyan aimïkukön, oripinyi nyu tïkwïl ompö asispa työmut nyo ityini pipö ngwïny kïmïkul atöketyam chane löwïr.