NGONGUT 2:26 - PIPÏLIA

²⁶ Otöninan nyinte nyo rïntoy akïrïpöy ngalechoni ntökwit söröm, owesyö kipayta pipö punton.

NGONGUT 2:26 ပူးပေါင်းရင်းမြစ်များ

TUMWÖY 2:8

Somanïn atokonïn pipö punton paytena akïlïkwï nyengu ngwïnya kïmïkul.

TUMWÖY 2:9

Ilïwonyi chane lïpö karïn aitïghotïgh chane le kerpes?’ ”

TUMWÖY 49:14

Petöy chane ngwen le kechir akïlïku meghat mösöwontengwa. Lïku ngwen möngengwa akïnïnyeghö porwöyikwa wöloni. Wölo ngetöy chane cho kimöngisyö ompö man, otini kiyech!

DANIEL 7:18

wölo nyoru pipö Tororöt nyo Töror Tya pöyunöte kïlïkwï nyingwa kokay nko kokay.’

DANIEL 7:22

Kungwïn nyinte nyo kisöpöy kïngata könyisyok kurwokyï pipö Tororöt nyo Töror Tya. Kwitïta asis ato kinyoru pipö Tororöt pöyunöt.

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

MATAYO 10:22

Nguyokwa pich tïkwïl akwompö ani. Wölo anka tïkwïl nyo ghyongtoy ntökwit söröm, kesöru.

MATAYO 19:28

Kïlenchï Yeso chane, “Omwowokwa nyoman lö ato ngwïn Wero Chi kïtöpö ngacharunyi pö paytagh ompö ororyenyi ompö kor nyo rel, apkanakwa nyu cho orïpanïn kï taman nko odeny ompur tïkwïl ngöcherwo paytagh arwokyï ortïna pipö Israel kïtaman nko odeny.

MATAYO 24:13

Wölo ato mïkukön chi ntökwït söröm, kesöru.

YOANA 6:29

Kuyokyï Yeso chane lö, “Anyï ighisyö nyo möchokwa Tororöt oghe: aghanakwa chichoni kiyokyï nyinte.”

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

RUMI 8:37

Wölo kïrïntonecha tïkuchoni löwïr, ompö kingörokut nyo ngwïno nyinte nyoni kichamecha.

1 TESALONIKE 3:5

Nka nyoni kini kighanïn oyonï Timoteo. Kimomukanye omïkukönöy ngat nka nyoni kyoyokwan nyinte kungwïn kuros wölo kitöptö kighanatenkwa atömötöp ana ntökïtyamakwa työmin akwigh ighisyencha nyo kikïsïnga kïlïkwï kwïle!

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

YAKOPO 2:20

Wechï ichinyi sölwö! Imökenyi keporunyi so lö, möminye kïgh nyo nyiwu kighanat nyo puryö ighisyewut?

1 YOANA 2:19

Kipïstecha pïchoni kïpechï kegh wölo kimelö ki pich cho kimi akonga nko acha. Nyo ntö kimi nko acha, kiteletöy, kïtïpisot nko acha. Wölo kipïstecha chane atökïrumtö nyoman lö kimöminye nyo le ompö akonga nyo kile nyincha.

1 YOANA 3:23

Mwoghöy ompö kirurutkachi lö mïchinecha keghana Yeso Kristo Wero Tororöt, akechomnyö achane le wölo kimwowecha nyinte.

1 YOANA 5:5

Ekï ngo köny nyo lentöy orïntoy ngwïny kïpoto chi nyo ghönöy lö, Yeso kï Wero Tororöt.

NGONGUT 2:11

Ato itïng chi yitïn, ilïm ngal cho mwochini Mïkulögh kanisen! Melö nyoru ngwonïn pö megha odeny pich cho rïntoghisïyi.’

NGONGUT 2:17

“ ‘Ato itïng chi yitïn, ilïm ngal cho mwochini Mïkulögh kanisen! Otöninan chi nyo rïntoy kwomöy mana cho wïngote. Otöninan nyinte tïkwïl kogh nyo rel nyo kikikirchï kaynat nyo rel nyo menkïtnye chi anka kïpoto chichini onkït kitöni.’

NGONGUT 2:7

“ ‘Ato itïng chi yitïn, ilïm ngal cho mwochini Mïkulögh kanisen! Otöninan nyinte nyo rïntoy kwam okinto ket pö söpon nyo mi ka Tororöt.’

NGONGUT 20:4

Atolapay asïwan ngöcherwo paytagh nko pich cho kitïpisot ngöcherwechoni. Ketö pïchoni owesyö nyo rwokyini pich. Asïwan ngat mïkulis pö pich cho kikïsil kotwon ompöwölo kisöwintönchï chane man nyo kingongwï Yeso akwamta ngölyonto Tororöt. Kikïsil kotwon lenyoni tïkwïl ompöwölo melö kisagh chane tyonyay anta körkeyïntanyi amelö kicham ketö mötöwekwa anta morikwa macheyu tyonyoni. Kututï Tororöt chane akutö kïpayta nko Kristo* könyis elpu akonga.

NGONGUT 21:7

Anka tïkwïl nyo rïntoy otöninan tïkuchete löwïr, alïkunan Tororötïnyi, kïlïkwï nyinte montönyan.

NGONGUT 22:5

Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.

NGONGUT 3:12

Oghan chi nyo rïntoy kïlïku koghpa luch nyo pö Kö pö Tororötïnyan* amöngetonye wölini kokay. Okirchinan nyinte kayneto Tororötïnyan nko kayneto kanasyanta Tororötïnyan, nyoni kï Yerusalem nyo rel nyo rökuno yïm kungwïno wölo mi Tororötïnyan, akirchinan chane ngat kaynenyan nyo rel.

NGONGUT 3:21

Otöninan chi cho rïntoy kimukat kïtöpö nko ani ngacharenyan nyo pö paytagh, le wölo karïntan, atöpan nko paponyan ngacharunyi nyo pö paytagh.

NGONGUT 3:5

Kilokyini pich sïro cho relach asïyech cho rïntoy amelö ongongoghtenan kaynötutkökwa ompö kitapu pich cho sötote. Omwotïtonan ompö tawu Paponyan nko ompö malaykenichi lö piköchan chane.