25 wölo inan chi lasiny kïyoni otïngetö ntökïtenö atwan.
Ato owan aghwakwa wölo omöngöy, amïlan nyu ngat atamïtakwa wölini omitan atamukakwa nyu omitenö wöloni omitan.
Kughyö akong ompö chane nyo kikuro Akapus ompö owesyo Mïkulögh nyo Tïlil akïngor lö itu kömöy nyo wow ngwïny kïmïkul. (Kipïnö ngalechoni ato kipöytoghin, Klaudio.)
Ochomnyö ompö chomnyogh nyo puryö lïs. Atagha kïgh anka tïkwïl nyo gha achama kegh kiyon karam.
Ompöwölo otini omekwa makatyantanete, aghegha mpalawunete, omitekwa omwotïtoy megha Echotyon tökïtenö kungwïn nyinte.
Kïlenyona, morwokyï chi anka tïkwïl kïtomö kwitïta asistanyi, opïstenö tökïtenö kungwïn Echotyon, nyinte nyo pköngöy tïkwïn cho kikïwïnchï wölo tuw akuporï möchut pö mïkulis pö pich, atökïnyorunö nyu Tororöt chi anka tïkwïl salat nyo mïchini.
Atyama tïkwïn lapay, akaman lasiny cho karamach
Kenama nyu lasiny mwaghateto kikönötenyo nyo kakeghan ompöwölo ghanate Tororöt nyini kiyomisï.
Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.
Mïchinecha nyu kenama lasiny kighanatenyo. Ompöwölo kïtïngetecha Tïsin nyo Wow nyo kiwö ntökwit wölo mi Tororöt Yeso, Wero Tororöt.
Wölo miru asispa Echotyon le chorin. Weröy yïmöy Asisoni nko kighumöt nyo wow, kiwuro ma tïpö yïm, kïpelöy ngwïny nko tïkwïn löwïr cho mi orinyi.
Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.
Mwoghöy nyinte nyete söwintönchini ngalechï lö, “Owöy! Ongwïnan lawel!” Amen. Nyonö Echotyon Yeso!
Kïlenchanïn Yeso, “Tere, ongwïnan lawel! Soyönote chane cho rïpöy ngala werkoynön cho mi kitapunï!”
Otunan lawel, kamana lasiny kïyoni itïngetenyi tömösarenin chi konutyengu nyo pö rïntagh.
Nana nyu ngalechini kikinetinyi nko wölo kilïmtenyi, airïp aikötö ngokiku. Wölo ato mengetanyinye, ongwïnchininyi le chorin amenkïtunenyinye sayanini ongwïnan.
