NGONGUT 2:10 - PIPÏLIA

¹⁰ Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.

NGONGUT 2:10 ပူးပေါင်းရင်းမြစ်များ

TUMWÖY 31:23

Achama ECHOTYON, akwa löwïr cho ochï pikachi. Körtoy ECHOTYON kighönï, kïpoto pich cho kwolöy kegh cho töni sitöt nyo mïchini.

LOK 3:57

Kingwïnchaninyi ailenchanïn, ‘Mewoghisyö!’

DANIEL 1:12

“Ghotecha mötworiku osis taman, kanya kekonecha onkïy kyama nko pögh keghegha.

DANIEL 1:14

Kïlenyona kïterchï yetïnay chane lenyoni akïghot ompö osis taman.

APAKUK 2:3

Ompöwölo tökïköngöy ngongutyononi osiswechi cho kikïtat. Wölo kelu asisoni lawel akungwïnöy kïyoni oporunyi kïlïku man. Kïkany ato lentöy chi keropï, wölo kanganyi itu nyo mötïny, meropunye.

MATAYO 10:22

Nguyokwa pich tïkwïl akwompö ani. Wölo anka tïkwïl nyo ghyongtoy ntökwit söröm, kesöru.

MATAYO 10:28

Amawagh chane cho pöröy por akïmemuköcha ntökïtïgh söpontö, wölo awagha Tororöt nyo muköy kuwuröy por nko söpontö ompö mapa kokay.

MATAYO 24:13

Wölo ato mïkukön chi ntökwït söröm, kesöru.

MARKO 13:13

Reyokwa pich lapay akwompö kaynenyan, wölo anka tïkwïl nyo kömöghöy ntökwit söröm, kesöru.

MARKO 8:35

Ompöwölo chi anka tïkwïl nyo lentöy osöru söpontanyi ante kïwirtoy, wölo anka tïkwïl nyo wirtoy söpontanyi ompö ani nko ompö Lökoy cho Karamach, kïsöru.

LUKA 21:12

Wölo kïtömö kwighisyö ngalechoni kïnömokwa akechopokwa kong. Atolapay ketötokwa tökerwokwok ompö kori sowut aketorchok chela. Kimïtinokwa tawu pöytoghï nko yetïntin akwompö kaynenyan.

YOANA 12:25

Chi anka tïkwïl nyo chömöy söpontanyi, kïwighöy kupotöy wölo chi nyo ghöchini söpontanyi ompö ngwïnyinete, kïkomönöy ntökwit söpon pö kokay.

YOANA 13:2

Kökikutö nyu Onyötö Yudas Iskariote Wero Simon, machat nyo wïchtoy Yeso otini kimi Yeso kwomöy omisyo nangat nko kinetankachi.

YOANA 13:27

Otini kicheng Yudas pïtönononi, kïlït Onyötö nyinte. Kïlenchï Yeso Yudas, “Igha lawel kini imököy ighe.”

IGHISYEWUT 20:24

Wölo moyitanye lö kïgh söpenyan atamuk awany pöghisyö nyo kökonanïn Echotyon Yeso agh, nyoni kï kemwatïta Lökoy cho Karamach cho pö pöropcho Tororöt.

IGHISYEWUT 21:13

Wölo kuyokwï lö, “Oghekwa ne, toloksone le nyï, arïnganïn mïkulögh? Omitan kïpsach, melö pat keratanïn ompö Yerusalem, wölo ameghan ompö Echotyon Yeso.”

1 KORINTO 9:25

Kilöy kegh chi anka tïkwïl nyo omöy kanyanyighos akïmul kegh tïkwïn cho mököy portanyi. Ighöy lenyoni atökïnyorï tenta nyo wïröy, wölo kighecha atökenyorunö tenta nyo töpo kokay.

EPESO 2:2

cho kyaghakwa atakinya kyorïpekwa otöp pö ngwïnyinï nyo gha, aterchini pöytoghinto oy nyo mi wölnö le mïröt, mïkulögh nyo le sïmnyon, nyo pöyu pich cho töghöy Tororöt.

EPESO 6:12

Ompöwölo melö kïporsonecha nko pikö walaka, wölo kïporsonecha nko lïk nyo pö ilot cho ghach cho pö ngwïnyinï cho pöytoy akïtïng kimukat nko owesyö cho pöytoy ngwïnyinï pö tuwïn.

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

1 PETRO 5:4

Akwato itï Mösöwonte nyini Wow, onyorukwa nyu tenta ororyö nyo mepoytonye.

1 PETRO 5:8

Otïpï kïpsach arip kegh ompöwölo mito punyontenkwa nyay le Onyöt kïwestotoy akïmororöy le ngötïny nyo möröy kïgh nyo nyïkwïdoy.

NGONGUT 13:14

Atolapay kïlïs pich löwïr cho mi ngwïny ompö owesyo töngönchin nyo kikitö nyinte kwigha tawu tyonyay pö tagh. Kïmwochï tyonyay pipö ngwïny kwigh körkeyïn nyo kïsölo tyonyay kökiketörö chok akïsöp.

NGONGUT 13:2

Kilata möril tyonyoni, wölo kilata kelyechi kelyo chepökerï, kïlata kutinyi nyo pö ngötïny. Atoni nyu kutö ntaranay tyonyoni owesyenyi nko ngacharu paytaghtanyi nko owesyö nyo wow.

NGONGUT 13:7

Kechömchï tyonyay kïporyeghö pipö Tororöt ntökïrïnta aketö owesyö kïpöyï pipö puntoni ngwïny löwïr nko ortïn nko kutïwa pich löwïr.

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

NGONGUT 2:13

“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.

NGONGUT 2:9

Onkïtön nyörilwokökwa nko chopatengu, wölo ichinyi sïkön, ankïtön ngalechoni ghach ngöloneninyi pich cho lentöy kïchï pipö Yaudi amenkacha, pö chane Onyöt!