NGONGUT 19:18 - PIPÏLIA

¹⁸ Apkana ama panya porwöyi pöytoghï nko cho pö yetïntino askarin nko cho pö nyökon, panya angoletin cho pö pich cho pegho angoletinechoni nko panya pich löwïr, kö sekey anta ewo, kö mïnkech anta kö echön!”

NGONGUT 19:18 ပူးပေါင်းရင်းမြစ်များ

YEREMIA 16:4

Pöröy chane sömewo akï puryö nyo ngwïnöy kïloköy ompö meghengwa anta nyo tïpöy chane. Köposisyegho porwöyikwa ngwïny le pures. Wongöy chane ngot nko kömöy akïlïkwï porwöyikwa omisyo törit nko tïpö wudïn.

YEREMIA 19:7

“ ‘Oghan tötut pö Yuda nko Yerusalem kïlïkwï kwïle ompö yete. Opïsinan pungkökwa kïpar akïlot chane ompö poryot. Atolapay owirchan porwöyikwa törit nko tïpö wudïn kwam,

YEREMIA 34:20

Otöninan chane mori pungkökwa cho mi kïpsach kïpar chane. Omöy nyu töritwö nko tïpö wudïn porwöyikwa.

YEREMIA 7:33

Lïku mïntïrichtino pïchoni omisyo törit nko tïpö wudïn amöminye chi nyo pkongöy.

ESEKEL 29:5

Atolapay owirchinyi surkwen nko kaghagh cho kömi pögh idongönyi nyu tononi, ipöyitunyi tyonkïn cho pö wuw nko törit, kyotötinyi le omisyengwa.

ESEKEL 39:17

“Wero chi, lentöy Echotyon TORORÖT, ‘Kurunö törit löwïr nko tïpö wuw löwïr, kïghamïtuna kegh woptin löwïr kïpka kwam ichonto amöros nyo kyoghchan chane ompö kutïngkoti Israel, tökwam pany akïlï kisön.

MATAYO 24:28

“Ryomo mötonywö wop anka tïkwïl wölo mi kïgh nyo kama.

LUKA 17:37

Kïtep kinetankachi lö, “Ighisyot choni ompö onö nya Echotyon?” Kuyokyï chane ompö ngötïnyö lö, “Ghömechini chesampunoy wölo mi kïgh nyo kama.”

KINONO KIRURUT 28:26

Otini kalïkukwa mïntïruch, kïpka töritwö nko tyonkïn kïpagha kegh panyekwa akï möminye chi nyo tulöy chane.

NGONGUT 11:18

Kinörekyö pipö punton kumes, Wölo kikwitïta asisto sïngiryengu, akwitïta asis nyo kirwokyini pich cho kimeghö. Kitïta tïkwïl ato iropchinenyi tïkwïn mötworiku ompö werkoy nko pich löwïr cho kikïlanyi nko lapay cho konyïtöy kaynengu, kö echön anta kö mïnkech. Ketïta ato kinyoröy pich cho nyoröy ngwïny!”

NGONGUT 13:16

Kuchikyï tyonyay pich löwïr, cho echön nko cho mïnkech, monkor nko mey, sekey nko cho melö sekey ketö machey ewunekwa cho pö tagh anta tokochwekwa.

NGONGUT 17:16

Reyöy cheporestanoni kuyechay le taman nko tyonyoni kisïwenyi. Chengöy chane cheporesnoni sïro nko kïgh anka tïkwïl nyo tïng akïpïstö nyinte kïchïrut atolapay kwam panyechi akïpela ma portanyi lömïs.

NGONGUT 19:5

Atolapay kungwïna kut ngacharunoni pö paytagh nyo kilö, “Asala Tororöt akwa lapay cho ochï mötworichi, akwa cho ochï pikachi, cho mïnkech nko cho echön, akwa cho okonyïtöy nyinte!”

NGONGUT 6:15

Atolapay kïpechï pöytoghi ngwïny nko pich cho owesöch cho echön nko echot nko monkor nko cho owesöch nko chi anka tïkwïl nyo le sekeyon anta nyo tyakate, kïwïnya kegh chane köpönot nko kutïngkot.

1 SAMWEL 17:44

Kïlenchï chichay pö Pilisti Daudi, “Nyonö wölï omitan atotönön portöngu törit nko tïpö wudïn.”

1 SAMWEL 17:46

Töninyi asete ECHOTYON morichan, opörinyi atörön mötïngu atönön porwöyi pipö lïko Pilisti törit nko tïpö wudïn, atökunkïtï pich löwïr lö mi Tororöt koro Israel.